Edifisíu SEFOPE, munisípiu Bobonaro. Imajen Tatoli/Sérgio da Cruz.

BOBONARO, 29 setembru 2021 (TATOLI)—Durante situasaun COVID-19, Sekretáriu Estadu Formasaun Profisionál no Empregu (SEFOPE), munisípiu Bobonaro, suspende programa kapasitasaun ba estudante sira iha eskola públiku no privada.

Atividade ne’e hanesan programa anuál SEFOPE ne’ebé antes implementa ona iha eskola Ensinu Sekundáriu Jerál no Tékniku Vokasionál sira iha Munisípiu Bobonaro, oinsa prepara estudante-sira nia meta liga ho serbisu profisionál-sira hodi alkansa sira nia objetivu iha futuru.

Notísia relevante:UE hakarak apoia SEFOPE fortalese formasaun profisionál ba joven

“Ita-nia tarjetu maka estudante finalista-sira, ita halo semináriu esplika ba sira kona-bá formasaun profesionál, kria grupu auto empregu, kriasaun empregu interiór no exteriór,” Diretór SEFOPE munisípiu Bobonaro, Calisto Mau Ati, informa ba jornalista iha knaar fatin, kuarta ne’e.

Tuir planu, programa ne’e sei hahú fali iha fulan Outubro no sei implementa iha eskola, ensinu Sekundáriu Jerál Dom Martinho da Costa Lopes Maliana, Tékniku Vokasionál númeru II Malibaca Yamato Maliana, IT Maliana, Eskola Katólika Colégio Infante Sagres Maliana, SPP Korluli no Eskola Tékniku Vokasionál Maumali.

Programa nee SEFOPE realiza atu  bainhira estudante-sira ne’ebé remata eskola sekundáriu mak la kontinua ba universidade, bele fasilita sira kria grupu auto empregu.

Jornalista: Sérgio da Cruz

Editór: Cipriano Colo

HAKEREK NO HATÁN

Please enter your comment!
Please enter your name here