Koodenadór Rejistu Komersiál munisípiu Viqueque, Josenito Pereira de Jesus. Imajen Tatoli.

VIQUEQUE, 28 setembru 2021 (TATOLI)—Serbisu Rejistu Verifikasaun Emprezariál, Institutu Públiku, (SERVE,I.P) sukursál munisípiu Viqueque, iha fulan agostu rekolla $492.

Montante taxa ne’ebé rekolla ne’e mai hosi rejistu foun ba empreza no mós renovasaun ho tipu rua mak hanesan unipesoál Lda, inklui negósiu kiik.

Notísia relevante:MI sensibiliza lei númeru 47/2020 iha Viqueque

“Polusaun sira mai rejista ami simu, depende ba sira-nia planu negósiu ne’ebé relata ba ami,” Koodenadór Rejistu Komersiál munisípiu Viqueque, Josenito Pereira de Jesus, hateten ba jornalista iha knaar fatin Viqueque, tersa ne’e.

Tuir dadus, hosi tipu rua ne’ebé iha, tipu negósiu kiik rejistaadu iha fulan agostu iha foun hamutuk 10 no renova 11.

Nune’e, totál tipu negósiu kiik iha Viqueque foun 100, renova 154 no alterasaun iha 31, la inklui hosi fulan agustu nian. Hosi tipu unipesoál Lda foun 31, renova 73 no alterasaun 27.

Populasaun Viqueque ne’ebé hala’o negósiu, balun rejista ona, maibé negosiante balun ate agora seidauk mai rejista iha SERVE,I.P.

Tanba ne’e, husu ba negosiante sira iha munisípiu Viqueque ne’ebé hala’o negósiu atu mai rejistu.

Jornalista: Vitorino Lopes da Costa

Editór: Cipriano Colo

HAKEREK NO HATÁN

Please enter your comment!
Please enter your name here