Mapa Munisípiu Covalima. Imajen/Wikipedia

COVALIMA, 27 setembru 2021 (TATOLI)—Serbisu Floresta munisípiu Covalima, presiza aumenta funsionáriu, tanba funsionáriu ne’ebé oras ne’e iha, la sufisiente hodi destaka ba postu administrativu Fatu-Lulik ho Fatumea.

Ho nesesidade ida-ne’e maka Serbisu floresta Covalima, halo rekrutamentu ba guarda florestál to’o ona faze anúnsiu rezultadu selesaun dokumentu.

Notísia relevante:Abríl-juñu, Floresta Covalima kontribui reseita $8,200

“Prosesu rekrutamentu, simu de’it dokumentu hosi sidadaun ne’ebè mak halo aplikasaun  no prosesu tomak entrega ba diresaun jerál rekrutamentu,” Xefe Departamentu Reprezentasaun Territoriál Floresta no Planta Indústria, Covalima,  Francisco Sarmento, hateten ba jornalista, segunda ne’e. 

Sidadaun ne’ebé aplika vaga ba guarda florestál hamutuk  na’in 22, hosi númeru ne’e,  sidadaun na’in -haat  mak pasa iha  selesaun dokumentu. 

Tuir oráriu, komisaun rekrutamentu sei halo entrevista ba sidadaun ne’ebé pasa iha selesaun dokumentu iha 30 setembru tinan ne’e. 

Funsionáriu Serbisu Floresta Covalima, hamutuk na’in 22, kompostu hosi tékniku florestál na’in-ida, guarda florestál 12, tékniku planta indústria na’in-rua, tékniku agrokomérsiu na’in-rua, limpezadór na’in-ida.

Jornalista: Celestina Teles

Editór: Cipriano Colo

HAKEREK NO HATÁN

Please enter your comment!
Please enter your name here