DILI, 27 setembru 2021 (TATOLI)-Membru Falintil-Forsa Defeza Timor-Leste (F-FDTL) foun hamutuk na’in 600, kompostu husi feto 11% no 89%, segunda ne’e, ofisialmente inkorpora ona ba komponente formasaun no treinu Metinaru, hodi tuir formasaun militár durante fulan neen. Membru Falintil-Forsa Defeza Timor-Leste (F-FDTL) foun 600 ne’e nu’udar rezultadu husi prosesu naruk ida, hahú submisaun dokumentu, teste fíziku no saúde ba kandidatu hamutuk 2.400 ba joven mane no feto husi territóriu Timor-Leste. Husi prosesu ne’e, ikusmai kandidatu na’in 600 ne’e mak selesionadu hodi sai membru efetivu nu’udar membru Falintil-FDTL hodi garante independénsia nasionál, integridade territoriál, liberdade no populasaun nia seguransa hasoru agresaun ruma ka ameasa externa, ho respeitu ba orden konstitusionál, ne’ebé deskreve iha konstituisaun RDTL, artigu 146 kona-ba Forsa Armada sira.

Produsaun Tatoli I.P @2021

HAKEREK NO HATÁN

Please enter your comment!
Please enter your name here