Imajen/AFTL

DILI, 25 setembru 2021 (TATOLI) – Pra Liga Futsal Timor-Leste ne’ebé organiza hosi Asosiasaun Futsal Timor-Leste (AFTL) iha kampu futsal FALINTIL-Forsa Defeza Timor-Leste (F-FDTL), Fatuhada, Dili, sábadu loraik ne’e, ekipa Santa Cruz FC “liki” Kuda Ulun FC 6-1.

Jogu ne’ebé hala’o la autoriza adeptu sira partisipa iha situasaun ne’ebé hakmatek tebes. Minutu primeira hahú ekipa rua lansa kontra ho atake ba malu tuir ida-idak nia tékniku.

Ekipa Santa Cruz halimar bola long ka bola maka’as hodi ameasa guarda rede Kuda Ulun nian. Enkuantu, ekipa Kuda Ulun mós joga ho ritmu ne’ebé maka’as hodi fó ameasa ba ekipa Santa Cruz, maibé laiha oportunidade halo golu tanba sutu barak mak la kona iha alvu.

Ho ritmu jogu ne’ebé maka’as, iha minute ‘5, jogadór Jilson dos Reis lansa kedan golu hodi lori rezultadu ba 1-0.

Jogu komesa manas liu tan tanba ekipa rua halo ataka malu ho ritmu ne’ebé maka’as liu hosi sutu ne’ebé maka’as, nune’e iha minute ’13, Rui Conceição marka tan golu ida hodi muda rezultadu ba 2-0.

Maski golu rua ona ekipa Kuda Ulun nafatin iha vontade no ambisaun hakarak atu halo golu, maibé seidauk hetan oportunidade maski jogadór sira halo esforsu ne’ebé maka’as.

Iha minutu ’21, Rui Conceição iha nafatin oportunidade hodi les tan rede Kuda Ulun nune’e rezultadu hatuur ba 3-0.

Atake ne’ebé Kuda Ulun halo la hela de’it hanesan atake tanba iha minutu ’32, jogadór Nelson Cardoso responde ona golu ida ba rede Santa Cruz hodi hatuur rezultadu ba 3-1.

Liu de’it minute ida, iha minutu ’32, Santa Cruz liuhosi nia jogadór Aurio Vieira lansa kedan golu ida hodi muda eskore ba 4-0.

Hosi golu ne’e mak termina minute primeira parte nian laiha tan golu ruma mak akontese.

Hakur ba segunda parte ekipa Kuda Ulun halo esforsu makas hodi muda tékniku jogu maibé nafatin la halo golu tanba ekipa Santa Cruz tenta hamate tuituir Kuda Ulun nia jogu.

Iha minutu ’37, Marcelino da Silva hosi Santa Cruz prodús tan golu ida hodi lori eskore ba 5-1. Hosi golu ne’e halo Kuda Ulun nia jogu la moris tan ona hanesan primeiru, nune’e Santa Cruz domina kampu.

Iha minutu ’39, jogadór Celso da Silva fura tan rede Kuda Ulun hodi hametin rezultadu ba 6-1. Hosi golu ne’e mak termina ekipa rua nia jornada vitoria hela ho Santa Cruz no Kuda Ulun tenke hela ho derrota.

Jornalista     : Hortencio Sanchez

Editór           : Francisco Simões

HAKEREK NO HATÁN

Please enter your comment!
Please enter your name here