Prezidente FFTL, Francisco Martins da Costa Jerónimo. Imajen Tatoli/Francisco Sony

DILI, 25 setembru 2021 (TATOLI) – Prezidente Federasaun Futeból Timor – Leste (FFTL), Francisco Jerónimo hateten, 2021 Federation International Association (FIFA) no Asian Football Confederation (AFC) redús orsamentu uitoan ba FFTL.

“Ita iha tinan ida ne’e, FIFA fó $1,000,000. no AFC $500,000, maibé tanba Covid-19, FIFA ho AFC redús tiha balun. Iha outubru mai ne’e, ami sei halo ajustamentu,” Francisco Jerónimo hateten ba Agência Tatoli iha edifísiu FFTL, foin lalais ne’e.

Hosi orsamentu hirak ne’e FFTL utilize ba hala’o atividade oi-oin liu-liu dezenvolvimentu futeból iha Timor – Leste no orsamentu ne’e, balun organiza Liga Feto Timor ne’ebé agora lao hela, selu saláriu vensimentu funsionáriu sira nian, selu treinadór internasionál na’in rua ne’ebé fó treinu hela selesaun nasionál senior no U-23.

Hosi orsamentu ne’e mós kada fulan aloka ba asosiasaun futeból 14 ne’ebé mahan ba iha FFTL ho montante $1,000.

Saláriu ba funsionáriu hotu iha FFTL, Francisco Jerónimo  labele fó sai tanba konsidera privadu ema ida-idak nian. Enkuantu saláriu ba treinadór estranjeiru na’in rua iha FFTL Prezidente ne’e dehan kuaze hanesan ho saláriu asesór internasionál sira ne’ebé daudaun ne’e servisu iha ministériu sira iha Timor – Leste.

“Ba sira nia saláriu ha’u labele fó sai, sira treinadór internasionál ita fó hanesan ho asesór internasionál sira, mais ha’u labele mensiona nia númeru orasida la di’ak,” nia dehan.

Jornalista   : Hortencio Sanchez

Editór        : Francisco Simões

HAKEREK NO HATÁN

Please enter your comment!
Please enter your name here