Estrutura FBATL halao konferénsia imprensa iha Colmera, Dili. Imajen/Mídia FBATL

DILI, 23 setembru 2021 (TATOLI) – Sekretáriu Ezekutivu Federasaun Boxe Amadora Timor-Leste (FBATL), Janio Tilman, hateten Sekretáriu Estadu Juventude no Desportu (SEJD) transfere ona osan ho montante rihun $7-resin ba konta FBATL nian hodi realize eventu internasionál Boxe.

“Atividade Boxe nian hodi selebra loron mundiál Boxe loloos hala’o iha loron 26-27 agostu liubá, maibé tanba pandemia Covid-19 ita muda tiha, ne’ebé osan atu hala’o atividade ne’e SEJD transfere ona,” Janio Tilman ba Agência Tatoli iha Dili, kinta ne’e.

Oráriu ba atividade ezibisaun Boxe nian sei hala’o hosi loron 01-02 outubru iha kampu SEJD Dili.

FBATL loke hela inskrisaun ba klube sira ne’ebé iha interese atu partisipa iha eventu ne’e. Nune’e iha eventu ne’e sei hala’o jornada hamutuk 16.

Jornalista   : Hrotencio Sanchez

Editór        : Francisco Simões

HAKEREK NO HATÁN

Please enter your comment!
Please enter your name here