SEKOMS Mericio Juvinal Akara hala’o enkontru ho Administradór Covalima, Imajen Tatoli /Celestina Teles

COVALIMA, 22 setembru 2021 (TATOLI) – Sekretáriu Estadu Komunikasaun Sosiál (SEKOMS), Mericio Juvinal “Akara”, hateten SEKOMS sei dezenvolve média lokal sira hodi transmite informasaun atividade no dezenvolvimentu  iha munisípiu sira.

Ha’u mai  atu ko’alia ho  administradór kona-bá polítika  Governu ne’ebé iha ona  diresaun nasionál dezenvolvimentu  média lokál, signifika la’ós rádiu de’it Governu iha polítika ne’ebé aprova iha Parlamentu Nasionál diversifika  meius komunikasaun iha munisípiu,” Mericio Akara hateten iha  administrasaun Munisípiu Covalima kuarta ne’e.

Durante SEKOMS enkontru ho administradór munisípiu hodi ko’alia kona-ba polítika Governu da-ualu kona-ba dezenvolvimentu meiu komunikasaun sosiál mídia sira iha munisípiu sira.

“Ita bele dezenvolve mós sentru informasaun direita hanesan iha fatin balun estabelese ona hanesan parte hosi programa naroman ba suku hodi bele simu informasaun direita,”Akara dehan.

Nia  husu ba administradór munisípiu atu uza meius komunikasaun ne’ebé di’ak hodi halo kolaborasaun nune’e média sira bele halo kobertura atividade no média tenke sentraliza iha munisípiu hodi hamenus kustu.

Administradór Munisípiu Covalima, Francisco de Andrade, apresia hodi halo esplikasaun kona-bá  polítika Governu da-ualu atu dezenvolve meiu komunikasaun iha munisípiu sira

 Jornalista  : Celestina Teles

Editór         : Francisco Simões

HAKEREK NO HATÁN

Please enter your comment!
Please enter your name here