Ministra Saúde (MS), Odete Maria Freitas Beleo, hamutuk ho Ministru Asuntu Parlamentár no Komunikasaun Sosiál (MAPKOMS), inaugura sala izolamentu COVID-19 no mini laboratóriu, iha munisípiu Aileu, kuarta (22/09/21). Imajen Tatoli/ Felicidade Ximenes.

DILI, 23 setembru 2021 (TATOLI)—Ministra Saúde (MS), Odete Maria Freitas Beleo, hamutuk ho Ministru Asuntu Parlamentár no Komunikasaun Sosiál (MAPKOMS), inaugura sala izolamentu COVID-19 no mini laboratóriu, iha munisípiu Aileu.

Estabelesimentu sala izolamentu ne’e, atu bainhira komunidade detetadu pozitivu COVID-19, bele hala’o hala’o tratamentu besik.

Notísia relevante:COVID-19, mate ida no kazu ativu 1.274

Sala  izolamentu ne’e, kompleta ona ho kama hamutuk unidade 25, bainhira ema baixa liu númeru ne’e maka MS fó kompeténsia ba diretór serbisu saúde munisípiu Aileu no administradór tenke buka alternativa tanba moras COVID-19  konsidera hanesan ona flu baibain, importante maka tenki mantein  prevensaun.

“Agradese ba kompañia rua ne’ebé halo konstrusaun ba izolamentu COVID-19 no mini laboratóriu ne’e tuir duni orientasaun durante fulan neen,” MS, odete Maria Freitas Belo, hateten iha serimónia inaugurasaun, kuarta ne’e.

Iha fatin hanesan, MAPKOMS, Francisco Jerónimo, husu nafatin parte hotu-hotu atu tau atensaun ba asaun prevensaun hodi luta hamutuk kombate virus ne’e.

“Primeiru Minsitru fó instrusaun katak, MS tenke kria kondisaun atu bele fó asisténsia ba ita-nia povu  tanba ne’e munisípu hotu-hotu hetan oportunidade atu harii izolamentu, tanba ida-ne’e importante tebes atu responde ba prevensaun COVID-19,” Francisco Jeronimo, hateten.

Sala izolamentu ne’e iha kuartu lima, kada kuartu iha kama hamutuk lima no totál kama 25.

Kontrusaun ba izolamentu ne’e ho fundu COVID-19 hamutuk $281.131,18 no mini laboratóriu ho montante $62.128,32, konstrui hosi kompañia MORTILES,Lda, no Jomi Unipesoal,Lda.

Jornalista: Felicidade Ximenes

Editór: Cipriano Colo

HAKEREK NO HATÁN

Please enter your comment!
Please enter your name here