Sekertáriu Estadu Formasaun Profisionál no Empregu (SEFOPE), Alarico do Rosário. Imajen TATOLI/Francisco Sony

DILI, 21 setembru 2021 (TATOLI)—Sekretaria Estadu Formasaun Profisionál no Empregu (SEFOPE) rejista iha traballadór hamutuk 270 mak halai ses hosi sistema Seasonal Worker Programme (SWP) iha Austrália.

“Sira halai ses hosi sistema SWP hodi husu fali viza protesaun hodi kontinua serbisu iha Austrália, tanba afeta situasaun pandemia COVID-19. Sira halai ses tanba kontratu kuandu ramata, entaun sira labele hein, tenke filafali Timor-Leste. Maibé tanba pandemia COVID-19 mak impede sira labele mai,” Sekretáriu Estadu Formasaun Profisionál no Empregu (SEFOPE), Alarico do Rosário, hateten, iha salaun SEFOPE, Caicoli, tersa ne’e.

Maski nune’e, SEFOPE halo esforsu nafatin hodi haruka adidu traballadór ba Austrália no komunika ona ba Embaixadór Timor-Leste iha Austrália.

“Ita-nia esforsu maka ha’u haruka ona ita-nia adidu traballadór ba Austrália no komunika ona ita-nia Embaixadór iha Austrália hodi ba halo aproximasaun ba traballadór sira hodi ko’alia ho sira no enkoraja sira hodi filafali mai ita-nian rai,” nia akresenta.

Tuir Governante ne’e, kestaun ne’e presiza  buka solusaun tanba bainhira akontese beibeik bele afeta ba programa SWP.

Jornalista : Natalino Costa

Editora     : Julia Chatarina

HAKEREK NO HATÁN

Please enter your comment!
Please enter your name here