iklan

MUNISÍPIU, SAÚDE, VIQUEQUE

MS sosializa estratejia nasionál ai-han seguru ba liña ministeriál Viqueque

MS sosializa estratejia nasionál ai-han seguru ba liña ministeriál Viqueque

Funasionáriu hosi liña ministeriál munisípiu Viqueque, partisipa iha sosializasaun kona-bá estratejia nasionál ai-han seguru tinan 2020-2025, iha Viqueque, tersa (21/09/21). Imajen Tatoli/Vitorino Lopes da Costa.

VIQUEQUE, 21 setembru 2021 (TATOLI)—Ministériu Saúde (MS), liuhosi Departamantu Ambientál, hala’o sosializasaun kona-bá estratejia nasionál ai-han seguru tinan 2020-2025, ba funsionáriu liña ministerial, iha munisípiu Viqueque.

Objetivu hosi sosializasaun ne’e atu hasa’e koñesimentu ba funsionáriu-sira oinsa identifika ai-han seguru iha loja, restaurante no supermerkadu.

Notísia relevante:MAP sei instala sentru agro-komérsiu iha Viqueque

“Tarjetu ne’e ba cathering no hahan-sira ne’ebé faan iha dalan ninin-sira, oinsá haree hahan ne’ebé seguru, ba  komsumidór-sira labele hetan impaktu ruma ba saúde,” Xefe Departamentu Saúde Ambientál hosi MS, Agostinho de Oliveira, hateten ba jornalista iha Viqueque, tersa ne’e.

Sosializasaun ne’e mós ajuda tebes Ministériu Edukasaun Joventude no Desportu (MEJD), kona-bá programa merenda eskolár, nune’e parte relevante bele hatene ai-han sira ne’ebé iha nutrisaun di’ak ba estudante-sira.

Reprezentante Diretór Serbisu Saúde munisípiu Viqueque, João Menezes Pinto, konsidera sosializasaun ne’e importante tebes atu funsionáriu-sira bele koñese didi’ak, ai-han sira ne’ebé faan iha merkadu no loja.

Sosializasaun hetan partisipasaun hosi funsionáriu liña ministeriál iha munisípiu Viqueque, ne’ebé hala’o durante loron ida.

Jornalista: Vitorino Lopes da Costa

Editór: Cipriano Colo

iklan
iklan

Leave a Reply

iklan
error: Content is protected !!