Diretora Jerál Ministériu Agrikultura no Peskas (MAP), Maria Odete do Céu Guterres. Imajen TATOLI/Francisco Sony

DILI, 21 setembru 2021 (TATOLI)—Diretora Jerál Ministériu Agrikultura no Peska (MAP), Odete do Ceu Guterres, informa, tratór sira ne’ebé sosa iha tinan 2009, ida ne’ebé ho kondisaun di’ak no destaka ba munisípiu sira hamutuk 294.

“MAP sosa hodi fahe ba agrikultór iha tinan 2008 no 2009 hamutuk  500 resin. Maibé ida agora di’ak tuir dadus ministériu iha unidade 294, kompostu hosi tratór boot no médiu,” Diretora Jerál MAP informa ba Agência TATOLI, iha Hotel Timor, tersa ne’e.

Kada tinan parte ministériu aloka osan $130.000 ba manutensaun no $250.000 ba ninia pesa sira hodi mantein funsionamentu.

“Daudaun tratór sira funsiona iha munisípiu ne’ebé iha kanál irrigasaun,” nia akresenta.

Enkuantu, tratór ne’ebé a’at ona, MAP entrega hotu ona ba Ministériu Finansa liuhosi Diresaun Jerál Patrimóniu Estadu.

“Ministériu haree de’it ba ida ne’ebé bele haree no iha kapasidade atu hadi’a hodi bele funsiona filafali,” nia hatutan.

Tuir Diretora Jerál, tinan oin MAP sei la sosa tratór foun tanba haree ba kapasidade orsamentu.

Joralista : Natalino Costa

Editora   : Julia Chatarina

HAKEREK NO HATÁN

Please enter your comment!
Please enter your name here