Diretór Ezekutivu Sentru Formasaun Fundasaun Hadomi Timor, Abrão Monteiro. Imajen/Esesiál.

DILI, 20 setembru 2021 (TATOLI)—Diretór Ezekutivu Sentru Formasaun Fundasaun Hadomi Timor, Abrão Monteiro, informa semana oin Vietel Telemor sei oferese internet no kria sistema E-Learning ba Sentru Formasaun Fundasaun Hadomi Timor atu bele fasilita formasaun virtual ba formandu sira.

“Iha tempu lockdown ne’e ita utiliza de’it programa Zoom no Google meet ne’e ladun efetivu. Agora daudaun sira sei dezenvolve hela sistema baze dadus ba sistema aprendizajen nian, hanesan E-Learning, sira sei oferese mós ba ami,” Abrão Monteiro hateten ba Agência Tatoli, iha nia knaar-fatin, Faról, Dili, segunda ne’e.

Plataforma sistema E-Learning ne’e di’ak, kompara ho sira baibain ne’ebé utiliza iha eskola sira, ezemplu sistema zoom meeting no google meet ne’e lahanesan tanba ida ne’e plataforma ida-ne’ebé atu fasilita duni ba iha prosesu aprendizajen liuhosi ‘off line’ no ‘online’.

Aleinde ne’’e, nia informa, iha semana kotuk operadór telekomunikasaun Vietel Telemor oferese laptop tolu ba Sentru Formasaun Fundasaun Hadomi Timor.

“Operadór telekomunikasaun vietel Telemor iha Timor fó apoiu ba ami laptop tolu. Hosi ami-nia inísiu kooperasaun ne’e, bainhira ami hato’o ami-nia proposta ba Telemor para atu ajuda ami, atu oferese internet no ekipamentu balun atu fasilita ami-nia programa eskola online no fasilita ami-nia programa internet saudavél. Semana kotuk sira konsege apoiu ona ami laptop tolu ne’ebé ho marka Apple, Acer no Toshiba,” nia dehan.

Jornalista : Nelia Fernandes

Editór       : Cancio Ximenes

HAKEREK NO HATÁN

Please enter your comment!
Please enter your name here