DILI, 20 setembru 2021 (TATOLI)-Dili mak kapitál Timor-Leste no sentru urbana. Administrativamente, Dili nu’udar munisípiu ida ho postu administrativu neen hanesan Vera Cruz, Na’in Feto, Metinaro, Ataúro, Dom Aleixo no Cristo-Rei. Munisípiu Dili ho nia luan 368.12 Km2 ho populasaun bazea ba dadus Diresaun Jerál Estatístika 2019 nian, tuir idade 0-85+, hamutuk 328,666, kompostu husi mane 169,797 no feto 158,869. Iha aspetu jeografia, munisípiu Dili, parte sul baliza ho munisípiu Aileu, parte leste ho Manatuto, parte oeste ho Liquiça no parte norte ho tasi Savu. Dili, durante tinan lima ba oin, sei lidera husi sidadaun ida, Guilhermina Filomena Saldanha Ribeiro, feto ida, nu’udar prezidente autoridade munisípiu. To’o iha faze ida, entre kandidatu seluk, liuhusi konkursu no prosesu naruk ida, ikusmai sidadaun ida, tuir méritu, Guilhermina Filomena Saldanha Ribeiro mak selesionadu. Nune’e, iha segunda ne’e, simu pose husi Ministru administrasaun no estatál, Miguel de Carvalho ba périodu tinan lima, 2021 to’o 2026, hodi substitui prezidente sesante, Gaspar Soares.

Produsaun Tatoli I.P @2021

ANTIL TATOLI, I.P

HAKEREK NO HATÁN

Please enter your comment!
Please enter your name here