Mapa Munisípiu Aileu

AILEU, 17 setembru 2021 (TATOLI) – Xefe Suku Faterlau, Postu Administrativu Lequidoe, Munisipiu Aileu, Albano Amaral, informa dezde tempu okupasaun Indonézia nian (tinan 24 nia laran) to’o ohin loron, komunidade Suku Faterlau seidauk asesu  liña eletrisidade.

“Ami nia oan sira atu estuda iha tempu kalan mós la di’ak. Entaun ami hanesan autoridade lokál husu nafatin ba Governu, se bele aprova ami nia proposta sira hatama ba ne’e atu dada netik eletrisidade mai ami,” Xefe Suku Albano Amaral ba Agência Tatoli iha Lequidoe, sesta ne’e.

Suku Faterlau mós to’o agora seidauk asesu estrada ne’ebé di’ak nune’e difikulta tebes komunidade sira nia viajen hodi lori produtu lokál ba merkadu no moras atu ba sentru Saúde mós difisil.

Hanesan autoridade lokál, Albano Amaral, sempre submete proposta ba autoridade munisípiu, maibé la hetan resposta to’o ohin loron.

Suku Fatirlau kompostu hosi aldeia rua (2) ; Aikairema no Lebumera ho nia populasaun hamutuk 837.

Jornalista       : Hrotencio Sanchez

Editór             : Francisco Simões

HAKEREK NO HATÁN

Please enter your comment!
Please enter your name here