Diretor Ezekutivu Asosiasaun Halibur Defisiénsia Matan Timor-Leste (AHDMTL), Gaspar Afonso.Imajen/Joanico de Araújo.

DILI, 15 setembru 2021 (TATOLI)—Asosiasaun Halibur Defisiénsia Matan Timor-Leste (AHDMTL), semana oin sei halo sensibilizasaun kona-bá terminolojia no konvensaun direitu ba Ema ho Defisiénsia (EhD) ba komunidade no autoridade lokál sira iha Suku Faturilau, Postu Administrativu, Lequidoe Munisípiu Aileu.

Notísia Relevante: AHDMTL husu Governu halo tratamentu dignu ba ema ho defisiénsia sira

“Semana oin, ita-nia ekipa AHDMTL hamutuk ho Plan Internasional halo sensibilizasaun kona-ba terminolojia no konvensaun direitu ba ema ho defisiénsia sira iha Lequidoe,” Gaspar Afonso hateten ba Agência TATOLI, liuhosi telefónika, kuarta ne’e.

Diretór Ezekutivu AHDMTL, Gaspar Afonso, hateten objetivu hosi sensibiliizasaun ne’e atu ema hotu-hotu bele uza termu ne’ebé dignu hodi komunika ba ema ho defisiénsia sira, nune’e ema bele hatene direitu ba ema ho defisiénsia mak oinsá no oinsá ema bele hatene respeita malu.

“Ida-ne’e mak ita hakarak halo sensibilizasaun atu ema normál ka la defisiénsia bele uza termu ne’ebé dignu no serve mak hodi uza ba ita-nia maluk defisiénsia sira iha aldeia, suku, postu no munisípiu sira,” nia dehan.

Bainhira halo tiha sensibiliizasaun ne’e ekipa sei halo avaliasaun tan ba ema ne’ebé simu ona formasaun ne’e katak sira uza duni terminolojia ne’’e ka lae.

Tuir observasaun, bainhira halao sensibilizasauun ne’e komunidade no família ema defesiénsia sira entuziasmu no iha hakarak duni tuir formasaun tanba liuhosi formasaun ne’e ema hotu-hotu ne’ebé iha Timor-Leste bele respeita malu no laiha ida mak sente iha kotuk.

Antes ne’e, AHMDTL halo ona sensibiliizasaun ba komunidade no ema ho defisiénsia sira Suku Betulau, Postu Administrativu Lequidoe, Munisípiu Aileu.

Jornalista : Osória Marques

Editór       : Cancio Ximenes

HAKEREK NO HATÁN

Please enter your comment!
Please enter your name here