Ministru Prezidente Konsellu Ministru, Fidelis Leite Magalhães. Imajen Tatoli/Francisco Sony

DILI, 15 setembru 2021 (TATOLI)—Vise-Primeiru-Ministru no Ministru Planu no Ordenamentu, José Maria dos Reis, aprezenta opsaun polítika-lejizlativa ne’ebé sai hanesan baze iha reuniaun Konsellu Ministru (KM), kona-ba planu kria zona espesiál protesaun ambientál no ekolójika.

“Zona hirak ne’e hanesan área ne’ebé ho valór no sensibilidade tuir ekolójiku nia haree ka hosi espozisaun risku naturál sira, hanesan objetu protesaun espesiál,” Ministru Prezidénsia Konsellu Ministru, Fidelis Manuel Leite Magalhães, relata hafoin reuniaun ezekutivu iha Palásiu Governu, kuarta ne’e.

Portavóz Governu esplika, opsaun sira ne’ebé propoin ho objetivu atu kria rejime jurídiku espesiál hodi estabelese konjuntu kondisionalizmu ba okupasaun, uzu no transformasaun rai, inklui atu determina uzu kompativel no inkompativel sira.

Objetivu prinsipál hosi medida ne’e mak atu proteje rekursu naturál sira hanesan bee no rai, prevene degradasaun rekarga akiféru, prevene risku naturál sira ka inundasaun, cheias, erozaun solu no deslizamentu vertente, no proteje ekosistema sensível sira.

Jornalista : Antónia Gusmão

Editora      : Julia Chatarina

HAKEREK NO HATÁN

Please enter your comment!
Please enter your name here