Reitor DIT, Alvaro Menezes Amaral. Imajen TATOLI/Egas Cristóvão

DILI, 14 setembru 2021 (TATOLI) –Ministériu Ensinu Superiór Siénsia no Kultura (MESSK) hasai ona despaixu hodi  re-ativa ensinu aprendizajen prejensiál ba  universidade sira, hahú kuarta (15/09/2021).

Reitór Dili Institutu of Technology (DIT) Alvaro Menezes, tersa ne’e, hateten bá Agência Tatoli katak sira simu ona despaixu hosi Ministériu Ensinu Superior nune’e kuarta aban re-ativa ensinu aprendizajen  prejensiál.

“Ami simu ona despaixu hosi MESSK ne’ebé ami nia atividade aula prejensiál iha IESPP sira sei hahú iha loron 15 setembru 2021,” nia informa.

Alvaro esplika katak daudaun ne’e sira halo hela preparasaun hodi kompleta fasilidade sira prevensaun COVID -19 nian atu aula hahú karik labele iha difikuldade ruma maka universidade enfrenta.

Reitór Institutu Profisionál de Canosa (IPDC), Me. Ervinia Brito Martins, hateten mós katak sira-nia parte prontu kumpre regra ne’ebé fó sai ona atu bele evita propagasaun COVID-19 iha prosesu aprendizajen.

 “Ami prontu kumpre kualkér medias saida de’it ne’ebé Governu fó sai, tanba ami hakarak atu prevene estudante sira hosi pandemia ne’e.Aami instala hotu ona ekipamentu sira iha ami nia instituisaun,”.Me. Ervinia Brito Martins hateten.

Jornalista : Tomé Amado

Editór       : Francisco Simões

HAKEREK NO HATÁN

Please enter your comment!
Please enter your name here