Konservasaun ai-oan. Imajen/GIZ Timor Leste

COVALIMA, 13 setembru 2021 (TATOLI) -Xefe Departamentu Reprezentasaun Territoriál Floresta Planta Indústria Covalima, Francisco Sarmento, hateten floresta  Covalima prioridade programa viveiru komunitária iha postu administrativu Suai Vila, Fohorem, Fatumea, Fatululik Maucatar ho Zumalai.

Ba Agência Tatoli iha nia servisu fatin, segunda ne’e,  Francisco Sarmento, informa floresta dezenvolve  viveiru komunitária ho objetivu atu ajuda komunidade nune’e sira bele ida idak iha sira-nia plantasaun rasik.

Durante ne’e floresta  Covalima  tipu  ai-oan sira hanesan saria, mahuni, ai-kakeu, ai-teka. Aí hirak ne’e iha tinan kotuk liu floresta apoiu ba ajénsia sira hanesan CVTL, Centru Comunidade Covalima (CCC), no mós apoiu ba  komunidade sira hodi  kuda plantasaun rasik.

Floresta prodús ai-oan iha Postu Suai Vila  15,000, Fatumea (10,000), Fohorem (20,000), Fatululik (10.000), Maucatar (10,000) no Zumalai (20,000).

Hafoin prodús ai-hirak ne’e,  floresta rasik hasoru difikuldade hanesan la iha transporte hodi transporta ai hirak ne’ebé prodús ona hosi  ba komunidade no ajénsia sira presiza

Funsionáriu ne’ebé servisu iha floresta Covalima hamutuk na’in-22 no hosi númeru ne’e inklui ho tékniku planta  na’in-rua (2).

Jornalista       : Celestina Teles

Editór             : Francisco Simões

HAKEREK NO HATÁN

Please enter your comment!
Please enter your name here