Statua iha Baucau villa ne’ebé sei manutensaun hosi orsamentu mão de obra iha tinan ne'e, segunda (13/09). Imajen TATOLI/Natalino Belo

BAUCAU, 13 setembru (TATOLI)–Admistradór postu admistrativu Baucau villa, Francisco Ximenes, hateten, daudaun ne’e hein aprovasaun orsamentu hosi Prezidente Autoridade Munisípiu (PAM) atu ezekuta programa haat mão de obra.

“Prosesu administristrasaun programa mão de obra ami intrega ona no hein hein hela prosesu iha administrasaun munisipál no bainhira Prezidente Autoridade Munisípiu aprova ona orsamentu mak ami prontu atu ezekuta,” Admistrador postu Baucau villa, hateten, iha ninia knaar fatin, Villa antiga, segunda ne’e.

Programa mão de obra foku liubá hadi’a estrada, hamoos valeta, kuda ai-funan inklui harii jardín iha edifísiu postu administrativu sira ne’ebé orsamentu mai hosi orsamentu 2021 ba kada postu administrativu ho montante $50,000.

Implementasaun programa ne’e, forma grupu ne’ebé kada grupu ema na’in20, ne’ebé envolve mós inanfeton sira.

Bazeia ba matadalan, ezekusaun orsamentu kada programa tenki to’o 25% hosi totál orsamentu mão de obra, ne’ebé mak diretamente responsável hosi suku urbana hanesan Tirilolo no Bahu.

“Hotu-hotu komunidade mak kaer, sira mai hosi suku urbana hanesan Bahu no Tirilolo, bazeia ba matadalan ho durasaun loron 30,” nia akresenta.

Antes nee, postu admistrativu Baucau villa, liuhosi enkontru konsellu konsultasaun Aadmistrasaun postu, deside atu aloka orsamentu hamutuk $47.015.

Hosi orsamentu ne’e atu ezekuta ba programa hanesan manutensaun ba estrada dirasaun rotunda Villa nova to’o Nagardjo hamutuk kilometru 3,5, manutensaun ba statua, jardín no limpeza jerál iha postu Baucau villa.

Jornalista : Natalino Belo

Editora      : Julia Chatarina

HAKEREK NO HATÁN

Please enter your comment!
Please enter your name here