Komandante PNTL Munisípiu Covalima, Superintendente António Maria de Sá. Imajen Tatoli/Celestina Teles

COVALIMA, 10 setembru 2021 (TATOLI) – Polísia Nasional Timor-Leste (PNTL)  kontinua garante seguransa ba komunidade iha Munisípiu Covalima.

“Atividade negósiu  kontra bandu kontinua la’o maka’as  no armas branka tama mai, iha semana kotuk komandu rasik prende kilat anin. Ita-nia forsa rua ne’ebé mak destakadu   iha fronteira, hanesan F-FDTL no PNTL ho nia unidade sira seluk kontinua garante seguransa,” Komandante PNTL  Munisípiu Covalima, Superintendente António Maria de  Sa, hateten iha salaun administrasaun Covalima, sesta ne’e.

Covalima hanesan odamatan boot tranzasaun legal boot mak Fronteira Mota Masin, maibé komunidade sira kontinua uza dalan ilegál hodi hakat ba Indonézia ho nune’e  sasán ilegál tama mai Covalima  maka’as hanesan  atividade  negósiu  kontra bandu no mós armas branka

Komandu PNTL Covalima mós  orienta ona ba komandante  eskuadra sira kontinua kontrola atividade kontra bandu sira hanesan  armas branka lei númeru 5/2017  bandu kualkér sidadaun ka’er kilat.

Jornalista   : Celestina Teles

Editór         : Francisco Simões

HAKEREK NO HATÁN

Please enter your comment!
Please enter your name here