Antigu Prezidente Repúblika Portugal, Jorge Sampaio. Imajen/Epesiál

DILI, 10 setembru 2021 (TATOLI) – Governu Timor-Leste liuhosi Ministra Negósiu Estranjeiru no Kooperasaun (MNEK), Adaljiza Albertina Xavier Reis Magno, hato’o sentidu kondolénsia ba familia Portugés tomak ne’ebé lakon ona figura di’ak ida hanesan eis Prezidente Repúblika Jorge Sampaio.

“Prezidente Sampaio, ema ida espesiál ba Timor-Leste tanba durante nia prezidénsia mak Timor iha Referendum no mós durante tempu restaurasaun independénsia.  Timor-Leste mós lakon ema ida ne’ebé espesiál ba Timor-Leste. Timor-Leste nia sentidu kondolénsias ba nia família no povu Português tomak,” Ministra Adaljiza haktuir ba Agência Tatoli iha mensajen WhatsApp, sesta ne’e.

Jorge Fernando Branco de Sampaio moris iha Lizboa, Portugal, iha loron 18 setembru 1939. Sampaio hetan fiar hosi Povu Portugal sai hanesan Prezidente Repúblika iha loron 09 marsu 1996-  to’o loron 09 marsu 2006. Lider Portugal ne’e hakotu iis iha Ospitál de Santa Cruz Lizboa Portugal, sesta ne’e.

Jornalista     : Hotencio Sanchez

Editór         : Francisco Simões

HAKEREK NO HATÁN

Please enter your comment!
Please enter your name here