Negosiante sira partisipa iha kolókiu divulgasaun papél AIFAESA,I.P. Imajen Tatoli/Celestina Teles

COVALIMA, 10 setembru 2021 (TATOLI) – Autoridade Inspesaun Fiskalizasaun Atividade Ekonómika Sanitária no Alimentár, Institutu Públiku ( AIFAESA, I.P), sesta ne’e, halo divulgasaun kona-bá sira nia papél ho instrumentu legal ne’ebé regula atividade ekonómiku iha Timor Leste ba negosiante sira.

 “Ami fahe informasaun liga ba papél AIFAESA, I.P ba públiku  no kontinua papél maibé ita presiza divulga nafatin informasaun oinsá negosiante hala’o sira negósiu kumpre lei ne’ebé vigora ona,” Sub Inspetór  Jerál AIFAESA, I.P, Dionisio  Neto da Silva ba jornalista iha salaun administrasaun Munisipál Covalima, sesta ne’e.

AIFAESA,I.P nia atividade halai liu ba inspesaun oinsá atu kontrola  atividade ekonómiku sira iha territóriu nasionál, liga  misaun hosi AIFAESA I.P no proteje  konsumidór ho promove kontrovérsia real.

“Ita boot sira halo negósiu tenke kumpre lei ne’ebé estabelese ona iha estadu ida-ne’e, ita-boot sira nia prezensa importante duni tanba ita hakarak kria situasaun ne’ebé mak públiku bele satisfás AIFAESA, I.P nia misaun proteje konsumidór,” Dionisio hateten.

Sekretáriu Administrasaun Covalima Afonso Nugueira Nahak hateten, semináriu ida ne’e importante ba negosiante sira

“Ita bele hatene didi’ak papél hosi AIFAESA IP bainhira to’o ita nia loja no kioske ka fatin balun ita la hakfodak ho ita simu sira ho di’ak. Ita tenke la’o tuir lei ne’ebé vigora ona ,”Afonso haktuir .

Afonso mós  husu ba negosiante sira tenke hakmatek hodi rona didi’ak papél AIFAESA, I.P no labele fa’an sasán hodi halimar presu, fa’an sasán presu ne’ebé Estadu regula ona no  labele fa’an sasán Estadu bandu atu labele prejudika iha futuru.

Jornalista       : Celestina Teles

Editór             : Francisco Simões

HAKEREK NO HATÁN

Please enter your comment!
Please enter your name here