Pesoál saúde sira-ne’ebé destaka iha pontu entrada Tasi-Tolu halo hela teste swab antigen ba komunidade sira-neebe tama-sai ba Munisípiu sira, kinta (9/9/2021). Imajen Tatoli/Antonio Gonçalves.

OÉ-CUSSE, 09 setembru 2021 (TATOLI)—Sentru Informasaun COVID-19 iha Rejiaun Administrativa Espesiál Oé-Cusse Ambeno (RAEOA), kinta ne’e rejista kazu pozitivu na’in-sia (9), ativu na’in-46 no rekoperadu 196.

“Ohin, rejista kazu positivu foun na’in-sia (9), ativu hela ka baixa iha sala izolamentu hamutuk 46 no hein hela rezultadu teste swab hamutuk na’in-16,” Sekretário Rejionál Asuntu Saúde, Manuel da Costa, informa Agênsia Tatoli iha Sikluli, Oé-Cusse, kinta ne’e.

Kazu ativu na’in-46 ne’e, daudaun ne’e kumpre hela iha sala izolamentu Alfandega Mahata na’in-13, izolamentu Klinika Kurasaun na’in-lima (5), izolamentu Kitahara Mahata hamutuk na’in-23 no auto-izolamentu na’in-lima (5).

Aliende ne’e, nia informa, daudaun ne’e pasajeiru sira ne’ebé tama Oé-Cusse kumpre hela kuarentena hamutuk 37 no sira-ne’ebé hela iha auto-kuarentena Fulolo na’in-haat (4), kuarentena Sakato na’in-ida (1), uma Dra.Catarina Anunu na’in-ida (1), kuarentena Eskola ETARO Masin na’in-28, auto-kuarentena rezidénsia Mateus Sufa na’in-ida (1), auto-kuarentena Palaban na’in-ida (1), auto-kuarentena Veronika Oématan na’in-ida (1).

Dadus pasajeiru ne’ebé kumpre kuarentena obrigatóriu 1.622, auto-kuarentena 305 ho totál hamutuk 1.927 no pasa ona loron 14 hamutuk 1.834.

Tuir dadus, hosi 23 marsu 2020 to’o 09 setembru 2021, totál dadus komulativu kazu konfirmadu hamutuk 243, hasai teste swab na’in-44, RDT swab 167, komulativu teste swab 3.242, komulativu rezultadu negativu 2.976.

Dirijente saúde ne’e apela ba komunidade sira atu mantein uza máskara maske hetan ona vasina dala-rua, fase liman bebeik, no halo distansiamentu sosiál.

Jornalista : Abílio Elo Nini

Editór      : Cancio Ximenes

 

HAKEREK NO HATÁN

Please enter your comment!
Please enter your name here