Gabiaun (gabiões) ho naruk metru 100 iha natar Bilulu. Imajen Tatoli/Abilio Elo Nini.

OÉ-CUSSE, 09 setembru 2021 (TATOLI)-Autoridade Rejiaun Administrativa Espesiál Oé-Cusse Ambeno (RAEOA) liuhosi Sekretáriu Rejionál Asuntu Agrikultura aloka osan millaun $2-resin hosi Orsamentu Jerál Estadu (OJE) 2021 konstrui rekonstrusaun Gabiaun (bronjong) hamutuk unidade 19 iha sub-rejiaun Pante Makasar, Oésilo no Nitibe.

Sekretário Rejionál Asuntu Agrikultura, José Eta, hateten rekonstrusaun gabiaun sira-ne’e, atu normaliza hikas ba área produtivu sira hanesan natar, to’os modo nian tanba iha 04 abríl ne’e hetan estragu hosi dezastre naturál tanba tropical siklone seroja,

“Projetu hirak ne’e nia montante millaun $2-resin ba projetu hamutuk unidade 20 maibé ida halo re-tender entaun daudaun ne’e hamutuk 19. Unidade 15 kabe ba Sekretáriu Rejionál Agrikultura enkuantu unidade haat kabe ba iha Dirasaun Rejionál Infraestrutura (DRI). Ida-ne’e atu responde komunidade nia preokupasaun kona-bá natar ne’ebé hetan estragu hosi trospikál siklone seroja, afeta maka’as ba setór agrikultura no kontrolu xeias setór infraestrutura iha RAEOA,” José Eta informa ba Agênsia Tatoli via telefonika, kinta ne’e

Projetu rekonstrusaun ba gabiaun unidade 19 ne’e sei finaliza iha tinan 2021 ne’e molok udan monu-rai, hodi evita dezastre naturál labele estraga tán área produtivu hanesan natar no to’os modo nian.

Rekonstrusaun sira-ne’e maka rekonstrusaun gabiaun Maumate, suku Naimeco, sub-rejiaun Pante Makasar konstrui hosi empreza Lifau Indah Unipesoál, Lda, ho valór kontratu $545.308.50. Rekonstrusaun gabiaun Aenmat, suku Lalisuk, sub-rejiaun Pante Makasar, konstrui hosi empreza Irmão Timor Unipesoál, Lda, ho valór kontratu hamutuk $325.264.50.

Rekonstrusaun gabiaun suku Bobometo, sub-rejiaun Oésilo, konstrui hosi empreza Banila Unipesoál, Lda, ho valór kontratu $91.895.38. Rekonstrusaun gabiaun suku Cunha, sub-rejiaun Pante Makasa, konstrui hosi empreza Irmão Timor Unipesoál, Lda, ho valór kontratu $247.620.31.

Rekonstrusaun gabiaun Bitopa, suku Usitasae, sub-rejiaun Oésilo, konstrui hosi empreza Erihjocia Unipesoál, Lda, ho valór kontratu $129.084.67. Rekonstrusaun gabiaun Tkuas, suku Usitasae, sub-rejiaun Oésilo, konstrui hosi empreza Lifau Indah Unipesoál, Lda, ho valór kontratu $172.689.00. Rekonstrusaun gabiaun Paumael, suku Cunha, sub-rejiaun Pante Makasar, konstrui hosi empreza Bitimo Unipesoál, Lda, ho valór kontratu $87.504.10.

Rekonstrusaun gabiaun Kolam-Xina, suku Costa, sub-rejiaun Pante Makasar, kontrui hosi empreza Sikoneroc Unipesoál, Lda, ho valór kontratu $15.779.09. Rekonstrusaun gabiaun Soko, suku Bene-Ufe, sub-rejiaun Nitibe, konstrui hosi empreza Loroti’as Unipesoál, Lda, ho valór kontratu $266.001.40.

Rekonstrusaun gabiaun Noel-Ekat, suku Bobometo, sub-rejiaun Oésilo, konstrui hosi empreza Zaunár Unipesoál, Lda, ho valór kontratu hamutuk $133.000.29. Rekonstrusaun gabiaun Noa-Ana, suku Lela-Ufe, sub-rejiaun Nitibe, konstrui hosi empreza Mambuti Unipesoál, Lda, ho valór kontratu $51.763.25.

Rekonstrusaun gabiaun Bona, suku Uistaco, sub-rejiaun Nitibe, konstrui hosi empreza Oélmau Unipesoál, Lda, ho valór kontratu $16.120.88. Rekonstrusaun gabiaun Nunuteke, suku Naimeco, sub-rejiaun Pante Makasar, konstrui hosi empreza Asys Tono Unipesoál, Lda, ho valór kontratu $137.784.05.

Rekonstrusaun gabiaun Nifu-Namanas, suku Ban-Afi, sub-rejiaun Nitibe, konstrui hosi empreza Jerife-Lalin Unipesoál, Lda, ho valór kontratu $18.733.55. Rekonstrusaun gabiaun Baoknana, suku Bene-Ufe, sub-rejiaun Nitibe, konstrui hosi empreza Inur Sakato Unipesoál, Lda, ho valór kontratu $50.507.06.

Rekonstrusaun gabiaun Banoko, suku Lalisuk, sub-rejiaun Pante Makasar, konstrui hosi empreza Uma-Oli Unipesoál, Lda, ho valór kontratu $170.339.40. Rekonstrusaun gabiaun Hau-Ana, suku Usitasae, sub-rejiaun Oésilo, iha prosesu re-tender. Rekonstrusaun gabiaun Nusla’o, suku Bobocase, sub-rejiaun Pante Makasar, konstrui hosi empreza Lifau Indah Unipesoál, Lda, ho valór kontratu $ 151.203.25.

Rekonstrusaun gabiaun Oébaha, suku Bobometo, sub-rejiaun Oésilo, konstrui hosi empreza Maesmat Unipesoál, Lda, ho valór kontratu $54.856.30. Rekonstrusaun gabiaun Oénunu, suku Suni-Ufe, sub-rejiaun Nitibe, konstrui hosi empreza My Love Star Unipesoál, Lda, ho valór kontratu $96.392.73.

Sekretáriu Rejionál Asuntu Agrikultura, José Eta, informa projetu hirak ne’e fó prioridade liu ba área produtivu natar sira hosi lot-primeiru to’o lot-15., nune’e normaliza hikas akontesimentu siklone tropikál seroja iha 4 abril liubá ne’ebé estraga gabiaun hirak ne’e.

Jornalista : Abílio Elo Nini

Editór       : Cancio Ximenes

HAKEREK NO HATÁN

Please enter your comment!
Please enter your name here