Ministru Edukasaun, Juventude no Desporto (MEJD), Armindo Maia. Imajen TATOLI/Francisco Sony

DILI, 08 setembru 2021 (TATOLI) – Ministru Edukasaun Juventude no Desportu, (MEJD), Armindo Maia, hateten, Timor-Leste (TL) la selebra loron mundiál ba alfabetizasaun ba tinan ida ne’e tanba  Dili aplika konfinamentu obrigatóriu.

Nia hateten, tema mundiál ba selebrasaun loron alfabetizasaun ba tinan ida ne’e mak ” “Literacy for a human-centered recovery: Reducing the digital divide”.

“Ha’u hakarak fó hanoin ba ita hotu katak ko’alia kona-ba edukasaun ne’e la hatene ka la haree ba ita-nia idade. Nune’e husu ba inan-aman, labarik foin-sa’e ne’ebé seidauk hetan oportunidade eskola aproveita didi’ak oportunidade hodi aprende teknolojia,” Armindo Maia hateten ba Agência Tatoli iha Ministériu Finansa, Dili, kuarta ne’e.

Tuir rezolusaun Governu númeru 2/2007, relativamente estabelesimentu ba Komisaun Nacional Alfabetizasaun hatudu katak analfabetizmu ba ema adultu iha Timor-Leste atinje to’o 50%, ka liu ema hamutuk 275.000.

Situasaun ida ne’e dezafiu boot ida ba dezenvolvimentu nasaun nian  espesialmente iha setór saúde produtividade susesu ba edukasaun infantíl.

Tuir rezultadu sensu 2015, hatudu katak maizumenus ema na’in -253.000 liu idade 15 ba leten alfabetizasaun no hosi númeru ne’e ema 17.000 mak hetan apoiu ka tulun hosi Programa Nacional de Alfabetização hosi Governu Kubanu.

Tuir dadus Sensu Agrikultura 2018 hatudu katak ema ne’ebé la hatene hakerek no lee hamutuk 68,07% hosi porsentu ne’e ema tinan entre 15 to’o 21 ne’e hamutuk 83,54%.

Liuhosi komunikadu imprensa hosi Organizasaun Nasaun Unida ba Edukasaun, Siénsia no Kultura  (UNESCO sigla-portugés) ne’ebé Agência Tatoli  asesu katak kona-ba edukasaun maske susesu iha parte balu, maibé sei iha dezafiu ba alfabetizasaun liuliu iha tempu situasaun COVID-19 ne’e difikulta ba akizisaun abilidade bázika ba alfabetizasaun menus liu ba ema adultu no joven hamutuk rihun 773.

Situasaun COVID-19 interrompe tebes ba atividade aprezedizajen ba labarik, joven no inklui ema ida boot ida ne’e eskala ida ne’ebé mak nunka akontese. Nune’e mós ida ne’e hamosu dezigualdade pre-eksistente susesu ba oportunidade signifikativa alfabetizasaun afetadu desproporsionalmente ba labarik joven ema rihun 773 mak la hatene lee no hakerek.

Tuir dokumentu ne’e mós haktuir katak, mezmu tempu krize global daudaun ne’e, esforsu ne’ebé efeitu nu’udár alternativu hodi garante kontinua aprende eskluzivu maske distánsia maibé sai kombinasaun hanesan aula prejensiál.

Jornalista   : Arminda Fonseca

Editór        : Francisco Simões

HAKEREK NO HATÁN

Please enter your comment!
Please enter your name here