Pontu vokál Bolsa da Mãe, Nelson de Jesus. Imajen Tatoli/Celestina Teles

COVALIMA, 08  setembru 2021 (TATOLI)—Governu liuhosi Sentru  Solidariedade Sosiál no Inkluzaun, sei halo pagamentu ba benefisiáriu Bolsa da Mãe  hamutuk 3,995  iha fulan ikus setembru nian iha Munisípiu Covalima.

“Tuir informasaun ne’ebé hosi nasionál hato’o mai ami, pagamentu ba benefisiáriu Bolsa da Mãe sei hala’o iha loron ikus fulan setembru ne’e ka inísiu fulan novembru tinan ne’e,” pontu vokál Bolsa da Mãe, Nelson de Jesus, informa ba Agência Tatoli iha nia kna’ar fatin, kuarta ne’e.

Rekizitu bainhira  atu benefisia ba Bolsa da Mãe tenke sidadaun Timor, aprezenta kartaun eleitorál, membru família sira tenke aprezenta dokumentu sira hanesan sertidaun RDTL ka sertidaun batizmu nian no  bainhira benefisiáriu sira eskola presiza mós deklarasaun hosi diretór eskola no mós tenke iha kartaun vasina.

Benefisiáriu Bolsa da Mãe iha Covalima ne’ebé benefisia ba subsídiu ne’e  hamutuk 3,995 , ne’ebé mai hosi Postu Administrativu sira hanesan Postu Administrativu Fatululik benefisiáriu 170 ho nia orsamentu $ 18,900.00, Fatumea 282 ho orsamentu $30.540.00, Fohorem 206 ho orsamentu $25,980.00, Maucatar 611 ho orsamentu $ 73,440.00, Tilomar 473 ho orsamentu $58,440.00, Suia Vila 1152 ho orsamentu $ 119,280.00 no Zumalai 1101 ho orsamentu $140,100.00

Jornalista   : Celestina Teles

Editór         : Francisco Simões

HAKEREK NO HATÁN

Please enter your comment!
Please enter your name here