Ministru Ensinu Superiór, Siénsia no Kultura (MESSK), Longuinhos dos Santos. Imajen Tatoli/ Egas Cristóvão

DILI, 08 setembru 2021 (TATOLI) – Ministru Ensinu Superiór, Siénsia no Kultura (MESSK), Longuinhos dos Santos,  informa MESSK iha ona dadus purvolta estudante 30,311 mak asesu ona liña internet.

“Ita simu lista estudante hamutuk 38,600 resin maka atu hetan asesu pulsa internet, maibé dadus ne’ebé ita iha purvolta estudante 30,311 mak asesu ba liña internet,” Ministru Longuinhos dos Santos, ba jornalista sira iha edifísiu Ministériu Finansas,  Dili, foin lalais ne’e.

Nia akresenta katak prosesu estudante sira atu hetan pulsa internet ne’e liuhosi operadór tolu mak hanesan Timor Telecom, Telkomcel no Telemor. Pagamentu ne’e sei selu direita hosi Ministériu Finansas ba operadór tolu ne’e.

“Ita seidauk hatene persentajen hosi ezekusaun orsamentu ba injensaun propinas nian tanba daudaun ne’e seidauk iha relatóriu ida mak universidade sira aprezenta mai Ministériu. tanba sira kumpre hela regra ne’ebé estabelese ona katak ezekusaun ne’e tenke  to’o loron 90 depois fó tan loron 15 ba kada universidade atu prepara relatóriu hodi submete mai ministériu,” nia tenik.

Jornalista : Tomé Amado

Editór       : Francisco Simões

HAKEREK NO HATÁN

Please enter your comment!
Please enter your name here