Ministru Edukusan Joventude no Desportu (MEJD), Armindo Maia. Imajen Tatoli/Francisco Sony

DILI, 08 setembru 2021 (TATOLI) – Orsamentu Tetu Fiskál 2022 ne’ebé Ministériu Finansas propoin ba Ministériu Edukasaun Juventude no Desportu (MEJD) ho Institutu Nasionál Siénsia no Teknolojia (INCT) konsidera la sufisiente. Ne’e duni, MEJD ho INCT propoin tan adisionál ho montante milaun $13.

Ministru Edukasaun Juventude no Desportu (MEJD), Armindo Maia, kuarta ne’e, hateten bá jornalista sira katak, MEJD iha ona programa prioridade lubuk ida maka atu hala’o iha 2022, maibé orsamentu tetu fiskál ne’ebé MF propoin ho montante  millaun $80-resin ne’e konsidera la sufisiente.

“Ami buka halo ezersísiu atu bele akomoda orsamentu tetu fiskál ne’e maibé ninia prosesamentu mak ita tenke  husu tan adisionál ruma serka  milaun $13 tanba ita iha programa prioridade lubuk ida,” Ministru Armindo Maia hateten.

Prezidente Konsellu Ezekutivu Institutu Nasionál Siénsia no Teknolojia (INCT), José Cornelio Guterres, afirma INCT hetan orsamentu envelope fiskál hosi Ministériu Finansas purvolta rihun $417,000, maibé INCT mós aprezenta tan orsamentu adisionál purvolta $460,000.

Orsamentu jerál estadu 2021 nian, tuir Prezidente José Cornelio katak sira ezekuta ona purvolta 63% espera katak molok tinan ne’e bele ezekuta entre 80-90%.

Jornalista : Tomé Amado

Editór       : Francisco Simões

HAKEREK NO HATÁN

Please enter your comment!
Please enter your name here