Foto hamutuk oradór sira ho formandu sira Guarda Prizaun Covalima. Imajen Tatoli/Celestina Teles

COVALIMA, 07 setembru 2021 (TATOLI)-Ministériu Justisa (MJ) fó formasaun kona-bá disiplina direitu no devér  ba guarda prizionál (GP) sira iha Prizaun Covalima.

“Ami fó formasaun  tanba guarda pioneiru barak mak komete infrasaun hodi kontra regra no prosedimentu ne’ebé mak eziste iha estabelesimentu iha prizaun hotu iha Timor-Leste. Ami halo komparasaun  diresaun iha Ministériu Justisa estatístika  gráfika inflasaun ne’e barak iha prizaun,” inspetór guia hosi Ministériu Justisa, Lucas António da Costa ba jornalista sira iha salaun Prizaun Covalima, tersa ne’e.

Formasaun ne’e hanesan programa no planu anuál  2021,  ne’ebé simu orientasaun hosi Ministru Justisa, Manuel Cárceres, hodi fó formasaun ba guarda prizioneiru sira hodi hasa’e sira-nia koñesimentu no motiva guarda prizioneiru sira,  sai hosi situasaun hodi labele komete irregularidade.

Oradór sira mai hosi Ministériu Justisa no mós Komisaun  Funsaun Públiku (KFP) no matéria sira mak hanesan, kontrolu internu, jestaun risku, koñesimentu regra prosedimentu aplika iha prizaun.

Administradór Munisípiu Covalima, Francisco de Andrade, husu ba guarda prizioneiru Covalima  sira tenke aproveita oportunidade, tanba formasaun ne’e  hanesan bukae ida ba sira nia prestasaun servisu.

Jornalista      : Celestina Teles

Editór           : Francisco Simões

HAKEREK NO HATÁN

Please enter your comment!
Please enter your name here