Komunidade bainhira simu vasina AstraZeneca iha Sentru Saúde Formosa, Dili, kuarta (21/07/21). Imajen Tatoli/António Gonçalves.

OÉ-CUSSE, 02 setembru 2021 (TATOLI)—Sentru Informasaun COVID-19 Rejiaun Administrativa Espesiál Oé-Cusse Ambeno (RAEOA), kinta ne’e rejista kazu pozitivu na’in-haat (4), ativu 53 no rekoperadu 160.

Notísia Relevante: COVID-19 iha RAEOA: pozitivu 7, ativu 49 no rekoperadu 160

“Atualizasaun dadus COVID19 iha RAEOA, ohin rejista kazu pozitivu COVID-19 foun hamutuk na’in-haat (4), kazu ativu baixa iha izolamentu hamutuk 53, hein hela rezultadu teste-swab 40, rekoperadu 160 no kumpre kuarentena obrigatoriu 97,” Sekretáriu Rejional  Asuntu  Saude, Manuel da Costa, informa ba Agência Tatoli, liuhosi telefónika, kinta ne’e.

Nia informa, tuir dadus hosi 23 marsu 2020 to’o 02 setembru 2021, totál kazu komulativu konfirmadu 213, konfinamentu kuarentena obrigatóriu hamutuk 1461, totál auto-kuarentena 298 ho totál hamutuk 1.759, pasa ona loron 14 hamutuk 1.762.

Tanba haree ba kazu COVID-19 iha RAEOA kada loron aumenta mak Prezidente Autoridade RAEOA, Arsénio Paixão Bano, husu ba povu Atoni atu hakbesik-aan ba fasilidade saúde hodi simu vasina atu bele prevene no kombate COVID-19.

“Atu hamenus moras ne’e da’et kuandu ita hotu simu atu hasa’e ita-nia imunidade, tanba ita simu dala-rua ita bele la’o livre. Tanba ne’e, ha’u apela nafatin ba inan-aman sira hakbesik-aan ba fasilidade saúde hodi simu vasina tanba kada loron kazu menus, no dalaruma kazu sa’e tanba da’et entaun vasina ne’e importante,” Arsénio Bano hateten Agência Tatoli, iha aldeia Ulas, Suku Taiboko, sub-rejiaun Pante Makasar, kinta ne’e

Jornalista : Abílio Elo Nini

Editór       : Cancio Ximenes

HAKEREK NO HATÁN

Please enter your comment!
Please enter your name here