Primeiru-Ministru, Taur Matan Ruak. Imajen TATOLI/Egas Cristóvão

DILI, 01 setembru 2021 (TATOLI)Primeiru-Ministru (PM), Taur Matan Ruak, auzente iha reuniaun Konsellu Ministru (KM) ba dala-rua ona tanba rezultadu teste COVID-19 hatudu pozitivu, tanba ne’e daudaun kumpre hela auto-konfinamentu iha ninia rezidénsia Metiaut.

Xefe Governu submete ba teste iha kuarta (26/08), hafoin partisipa diskusaun ba estensaun Estadu Emerjénsia ba dala-XVII iha Parlamentu Nasionál.

“Primeiru-Ministru auzente dala-ida tan iha reuniaun Konsellu Ministru tanba moras, maibé iha rekuperasaun di’ak. Moras tanba rezultadu teste swab COVID-19 ne’ebé Primeiru-Ministru halo hatudu pozitivu, tanba ne’e maka Xefe Ezekutivu kumpre hela auto-konfinamentu no tuir hotu rekomendasaun hosi pesoál saúde,”  Portavóz Governu no Ministru Prezidénsia Konsellu Ministru, Fidelis Manuel Leite Magalhães, informa iha salaun auditóriu Ministériu Finansa, Aitarak-laran, kuarta ne’e.

Ministru konfirma kondisaun saúde PM Taur liuhosi konferénsia imprensa hafoin reuniaun ezekutivu, tanba durante semana ida mosu preokupasaun públiku ligadu ho auzénsia Xefe Governu iha reuniaun KM.

Tuir governante ne’e, PM kumpre auto-konfinamentu ho rigorozu tebes, nune’e tanba vasina kompleta ona maka kondisaun saúde iha ona faze rekuperasaun.

Jornalista : Antónia Gusmão

Editora      : Julia Chatarina

HAKEREK NO HATÁN

Please enter your comment!
Please enter your name here