Kandidatu funsionáriu foun servisu saúde rejionál sira. Imajen/RAEOA-ZEESM.

OÉ-CUSSE, 01 setembru 2021 (TATOLI)— Autoridade Rejiaun Administrativa Espesiál Oé-Cusse Ambeno (RAEOA) liuhosi Sekretáriu Rejionál Asuntu Saúde, halo rekrutamentu ba funsionáriu foun hamutuk 54 atu reforsa asisténsia servisu saúde iha fasilidade saúde sub-rejionál sira

“Iha tinan 2021 ne’e, servisu saúde rejionál halo rekrutamentu ba vaga profisionál saúde ho rejime espesiál ho rejime jerál hamutuk 54 kompostu hosi variasaun espesialidade médiku jerál, parteira, enfermeiru, farmasista, nútrisionista no servisu administrativu inklui motorista”, Manuel da Costa informa ba Agência Tatoli iha Sikluli, Oé-Cusse, kuarta ne’e.

Tanba rekursu umanu menus iha sentru saúde no postu saúde iha sub-rejionál sira, mak servisu saúde rejionál halo rekrutmantu ba pesoál saúde no funsionáriu atu bele prenxe fatin sira-ne’e hodi fó apoiu di’ak liután ba komunidade sira fasil hetan asisténsia saúde.

“Sira na’in-54 ne’e, sira-nia fatin servisu sei koloka ba iha sentru no postu saúde iha sub-rejionál haat. Ne’ebé, funsionáriu foun sira-ne’e la konsentra de’it iha vila, tanba sira tuir teste liuhosi prosesu halo inskrisaun, ezame eskrita no ezame orál. Funsionáriu foun hirak ne’e sei hala’o servisu iha setembru ne’e,” nia dehan.

Entretantu totál postu saúde iha Rejiaun Administrativa Espesiél Oé-Cusse Ambeno (RAEOA) hamutuk haat no postu saúde hamutuk 19.

Jornalista : Abílio Elo Nini

Editór       : Cancio Ximenes

HAKEREK NO HATÁN

Please enter your comment!
Please enter your name here