Odilia Ung Martins. Imajen Tatoli/Celestina Teles

COVALIMA, 01 setembru 2021 (TATOLI) – Ministériu Edukasaun Juventude no Desportu (MEJD), kuarta ne’e, iha salaun Servisu Edukasaun Munisípiu Covalima, divulga matadalan reabilita no konstrusaun eskola 16 iha Munisípiu Covalima.

“Ami nia prezensa  iha ne’e atu halo diseminasaun no divulgasaun matadalan projetu infraestrutura  edukativa ne’ebé ho nia orsamentu hosi transferénsia publika,” Diretór Jerál Planu Polítika Inkluzaun no Imprensaun, Odilia Ung Martins, informa ba jornalista sira.

Iha tinan ne’e MEJD reabilita no halo konstrusaun  eskola 16 iha Munisípiu Covalima bazeia ba lista ne’ebé Servisu Edukasaun Munisípiu Covalima submete ba nasionál.

Ezekusaun obra reabilita no konstrusaun ba eskola 16 nia orsamentu jere hosi koordenadór eskola no mós diretór eskola sira hodi  forma grupu.

Reprezentante Administradór Afonso Nuguiera Nahak husu ba diretór eskola no koordenadór eskola sira atu asegura kualidade ba prosesu reabilitasaun  no konstrusaun eskola  sira-ne’e

“Ha’u fo hanoin reabilita eskola tenke tuir matadalan bainhira atu halo mudansa tenke haruka pedidu ba diretór tanba problema infra-estrutura iha Covalima la bele responde dala ida maibé responde ho fazeadamente,” Afonso Nuguiera Nahak  afirma.

Jornalista   : Celestina Teles

Editór         : Francisco Simões 

HAKEREK NO HATÁN

Please enter your comment!
Please enter your name here