Ministru Prezidénsia Konsellu Ministru, Fidelis Mauel Leite Magalhães. Imajen Tatoli/Francisco Sony

DILI, 01 setembru 2021 (TATOLI)–Governu liuhosi reuniaun Konsellu Ministru (KM) aprova ho altersaun Projetu Dekretu-Lei, ne’ebé define rejime jerál programa Movimentu Hafoun (Rejenerasaun) Aldeia (PMOHA) no estabelese ninia prinsípiu orientadór no kondisaun ba ezekusaun.

Proposta Dekretu-Lei ne’e aprezenta hosi Ministru Administrasaun Estatál (MAE), Miguel Pereira de Carvalho.

“Programa ne’e rezulta hosi akordu iha tinan 2016, liuhosi memorandu entendimentu ida entre Saemaul Undong hosi Repúblika Koreia no Governu Timor-Leste, tuir saida maka implementa ona iha programa esperimentál iha aldeia haat iha munisípiu Lautém, iha tinan 2016 to’o 2020,” Ministru Prezidénsia Konsellu Ministru, Fidelis Manuel Leite Magalhães, relata, hafoin ramata reuniaun ezekutivu, iha auditoriu Ministériu Finansa, Aitarak-laran, kuarta ne’e.

Diploma ne’e kria rejime jurídiku hodi fundamenta implementasaun programa iha nível nasionál.

Programa PMOHA mai ho objetivu atu promove no dezenvolvimentu atividade ekonómika komunitária atu alkansa retornu ekonómiku no empeñamentu komunidade sira ba nível aldeia, ne’ebé diresiona esforsu individuál ba proveitu komún.

Jornalista : Antónia Gusmão

Editora     : Julia Chatarina

HAKEREK NO HATÁN

Please enter your comment!
Please enter your name here