Estrada rural.Imajen TATOLI/Dok

COVALIMA, 01 setembru 2021 (TATOLI) – Iha tinan foun 2022, Servisu Obras Públikas  Munisípiu  Covalima (SOPMC) sei reabilita estrada rurál ho distánsia kilómetru 42,33 iha Covalima.

“Ami nia  planu iha tinan 2022 ami tau prioridade hodi halo reabilitasaun  estrada rurál  (ER)  sira liha Covalima,” diretór SOPMC, Alberto Cardoso ba Agência Tatoli iha nia kna’ar fatin, kuarta ne’e

Alberto hatutan, reabilitasaun  estrada rurál hirak ne’e sei implementa   iha Postu Administrativu Fohorem iha Suku Dato Tolu Natardik  ho kilómetru  42,33, Postu Administrativu Fohorem hosi Suku Dato Tolu ho kilómetru 2.52  to’o Suku Taroman, Postu Administrativu Fatululik kilómetru  3.50, Suku Dato Tolu no Suku Taroman kilómetru 3,50 estrada rurál Suku Taroman, Postu Administrativu Fatululik no Suku Dato Tolu Postu Administrativu kilómetru  2,75.

Reabilita estrada rurál iha Postu Administrativu Fohorem no Fatumea kilómetru  3,00 no mós reabilita estrada rurál Suku Beco, Aldeia Tobur kilómetru  5,00,  kilómetru  3,50  no reabilita estrada rurál Suku Beco, Aldeia Tobu ho kilómetru 1,50.

Jornalista   : Celestina Teles

Editór         : Francisco Simões

HAKEREK NO HATÁN

Please enter your comment!
Please enter your name here