Vogal I APORTIL, José Madeira Marques. Imajen TATOLI/Egas Cristóvão

DILI, 30 agostu 2021 (TATOLI)–Vogál I Autoridade Portuária Timor-Leste (APORTIL), José Madeira Marques, informa, hahú fulan-janeiru to’o abríl tinan ne’e, iha ró hamutuk 40 maka atraka iha Portu Dili.

“Ró hirak ne’e lori nesesidade bázika  hanesan foos, supermie, masmidar no nesidade bázika seluk ne’ebé maka kompañia distributór iha Dili hatama mai rai-laran,” Vogál I APORTIL, hateten iha ninia knaar fatin, Portu Dili, Colmera, segunda ne’e.

Maski iha situasaun serka sanitária no konfinamentu domisiliáriu iha Dili, maibé atividade portuáriu kontinua la’o normál, maibé ho kondisaun kumpre protokolu saúde.

“Funsionamentu  portuáriu kontinua la’o normál no funsionáriu sira fahe ona serbisu tuir turnu, balun serbisu  iha dader no balun iha parte kalan hodi kontrola serbisu portu nian,” nia akresenta.

Iha períodu kondinamentu domisiliáriu, iha limitasaun iha parte balun hodi evita halibur malu.

“Funsionáriu balun transporte laiha no transporte públiku mós la halai, maibé ami kontinua konsidera tanba situasaun, ami autoriza maibé presiza asina surat sira tenke mai serbisu iha kantor nune’e bele ajuda funsionamentu institusaun,” nia akresenta.

Jornalista : Natalino Costa

Editora     : Julia Chatarina

HAKEREK NO HATÁN

Please enter your comment!
Please enter your name here