Centro Treinamento Integrál no Dezenvolvimento (CTID) Canossa Baucau. Imajen/Espesiál.

DILI27 agostu 2021 (TATOLI)—Centro Treinamento Integrál no Dezenvolvimento (CTID) Canossa Baucau, sei fó formasaun movel konabá ospitalidade ba empregu na’in23 iha Munisípiu Viqueqeu.

Manajer Programa, Centro Treinamento Integrál no Dezenvolvimento (CTID) Canossa Baucau, Lucila Ana Marina Belo, informa formasaun movel ne’e hala’o ba ema-ne’ebé hanesan empregu, hodi hasa’e sirania kapasidade iha área ne’ebé sira servisu bá.

“Formasaun ne’e, atu hasa’e sirania kapasidade no kapasita sira iha área otelaria nian,” Lucila Ana Marina Belo hateten ba Agência Tatoli, liuhosi telefónika, sesta ne’e.

Nune’e, formasaun movel ne’e, CTID Canossa Baucau oferese liubá área restaurante nian, no parte produsaun hahan, hanesan oinsá atu servisu iha dapur nian.


Centro Treinamento Integrál no Dezenvolvimento (CTID) Canossa Baucau. Imajen/Espesiál.

“Matéria ne’ebé ami fó konabá serve ema, oinsá atu halo setting ba meza sira no ba iha parte house keeping, hanorin sira oinsá atu hadi’a kama, oinsá atu serve bainaka sira,” nia dehan.

Formasaun movel ne’e, planu sei realiza iha loron 04-05 ba fulan-novembru tinan ne’e ho nia durasaun fulan ida.

Totál partisipante ba formasaun movel ne’e hamutuk na’in23, mai hosi ema-ne’ebé servisu ona iha restaurante, alojamentu, no guest house.

Entretantu, totál fundu hosi Sekretariu Estadu Formasaun Profisionál Empregu (SEFOPE) fó apoiu ba sentru Treinamentu CTID Canossa Baucau, hodi realiza formasaun movel ba área ospitalidade skill set hamutuk $12, 668.50.

Jornalista : Nelia Fernandes

Editór       : Cancio Ximenes

HAKEREK NO HATÁN

Please enter your comment!
Please enter your name here