Matebian Eugenie Tatulese. Imajen/Espesiál.

DILI, 25 agostu 2021 (TATOLI)—Xefe Kaza Sivíl Prezidénsia Repúblika, Francisco Maria de Vasconcelos, nia espoza Eugenie Tatulese, durante moris ne’e involve no kontribui ba luta libertasaun nasionál. 

Tuir nota imprensa hosi Palásiu Prezidensiál ne’ebé Agência Tatoli asesu haktuir, matebian Eugenie Tatulese ninia kontribuisaun ne’e liuhosi involve iha klandestina ba luta libertasaun no Timor-Leste nia independénsia.

Razaun, nota ne’e hateten, tanba matebian Eugenie Tatulesenia nia konta bankaria uza hodi hala’o transferénsia fundu ba Forças Armadas da Libertação Nacional de Timor-Leste (FALINTIL) iha prosesu luta ba libertasaun nasionál.

Iha kuarta (25/08) madrugada ne’e, Xefe Kaza Sivíl Prezidénsia Repúblika, Francisco Maria de Vasconcelos, nia espoza Eugenie Tatulese hakotu ona iis iha Indonézia.

Matebian Eugenie Tatulese moris iha tinan 1970 iha Lirung, Manado-Indonézia. Matebian kaben ho Xefe Kaza Sivíl Prezidente Repúblika, Francisco Maria de Vasconcelos iha fulan-fevereiru tinan 1997.

Iha tinan 1998, matebian hetan ordenasaun sai pastora iha Igreja Protestante Timor-Lorosa’e (IPTL).

Jornalista : Osória Marques

Editór       : Cancio Ximenes

HAKEREK NO HATÁN

Please enter your comment!
Please enter your name here