Estrada rurál iha Covalima. Imajen Tatoli/Celestina Teles

COVALIMA, 24 agostu 2021 (TATOLI) – Servisu Munisipál Obras Públiku Covalima (SMOP) Covalima  hein anúnsiu rezultadu hosi MOP nasionál kona-bá  reabilitasaun estrada rurál.

“Tinan ne’e ami iha pakote rua reabilita estrada rurál hosi Suai Villa iha área Lokeo to’o Mota Tafara  no  hosi Suku Dato Tolu, Postu Administrativu Fohorem to’o iha Postu Administrativu Fatululik, ho distánsia estrada kilómetru lima (5). Buat hotu loos ona hein de’it anúnsiu rezultadu kompañia ne’ebé mak sai vensedór ba prosesu konkursu públiku reabilitasaun estrada rurál ne’e,” diretór servisu Munisipál Obras Públika Covalima, Alberto Cardoso, informa ba Agência Tatoli iha nia servisu fatin, Santa Rosa, tersa  ne’e.

Prosesu konkursu públiku ba  reabilita estrada ne’e kompañia sira  submete ona sira-nia dokumentu  iha loron 30 juñu, tinan ne’e, ne’ebé akompaña hosi Diresaun Nasionál Aprovizionamentu (DNA).

Alberto klarifika katak, reabilitasaun estrada rurál ne’e fahe ba pakote rua; hanesan pakote ida reabilita estrada rurál hosi Suai Villa parte Lokeo to’o iha Mota Tafara no kompañia 13 submete ona dokumentu, reabilita estrada hosi Suku Dato ba iha Postu Administrativu Fatululik  ne’e kompañia 10-resin submete ona dokumentu hodi kompete iha konkursu públiku ne’e.

Jornalista   : Celestina Teles

Editór        : Francisco Simões

HAKEREK NO HATÁN

Please enter your comment!
Please enter your name here