COVALIMA, 23  agostu 2021 (TATOLI)- Administradór Munisípiu Covalima, Francisco Andrade, segunda ne’e, iha Covalima, hateten implementasaun  Programa Mão de Obra iha Munisípiu Covalima, iha faze dahuluk  atinje ona 75%.

Programa Mão  de Obra  foku liubá hadi’a estrada, hamoos valeta, kuda ai-funan no mós harii jardín iha edifísiu Postu  Administrativu sira ne’ebé orsamentu mai hosi orsamentu 2021 ba kada postu administrativu  ho montante $50,000.00

Hosi sorin seluk, Xefe Suku Camanasa, Samuel Barros hateten, implementasaun Programa Mão de Obra iha Suku Camanasa tau prioridade hamoos valeta, nune’e bainhira  tempu udan labele hamosu inundasaun.

“Iha ami nia suku Camanasa agora sira hamoos hela valeta, nune’e iha tempu udan  labele fó impaktu ba komunidade no  ami mós iha planu seluk ami sei identifika,”  Samuel Barros hateten.

Implementasaun programa ne’e forma grupu ne’ebé kada grupu ema na’in-20. Hosi númeru ne’e envolve mós inan-feton sira.

Jornalista   : Celestina Teles

Editór        : Francisco Simões

HAKEREK NO HATÁN

Please enter your comment!
Please enter your name here