Jogadór selesaun nasionál sira hahú treinu fiziku. Imajen Tatoli/Hortencio Sanchez

DILI, 18 agostu 2021 (TATOLI) – Jogadór sira selesaun nasionál hosi U-23 ho ekipa seniór, kuarta loraik ne’e,  hahú fali sira-nia treinu fíziku hodi halo prestasaun ba jogu play of ASEAN Football Federation (AFF) no Suzuki Cup ne’ebé sei hala’o tinan ne’e.

“Agora jogadór hosi U-23 treinu hamutuk ho ekipa seniór atu prepara ba jogu play of no Suzuki Cup,” treinadór U-23, Fávio Joaquim da Silva ba Agência Tatoli iha kampu Federasaun Futeból Timor-Leste (FFTL).

Treinadór ne’e iha esperansa maka’as tanba jogadór maioria hatudu prestasaun ne’ebé di’ak no sériu iha treinamentu.

Tuir oráriu ne’ebé iha jogu iha nivel internasionál 2021 ba play of AFF sei hala’o outubru mai ne’e.

Jogadór hosi ekipa U-23 no seniór hamutuk na’in-30, hosi númeru ne’e na’in-haat (4) guarda rede no na’in-26 jogadór.

Iha fatin hanesan, jogadór U-23, Anizio Correia hateten, treinu fíziku sente todan maibé hanesan jogadór nafatin iha vontade treinu ho di’ak.

“Treinu fíziku ne’e todan uitoan, maibé ami esforsu atu treinu nafatin, atu nune’e bele reprezenta Timor- Leste ba joga iha li’ur ho di’ak,” jogadór ne’e hateten.

Jornalista   : Hortencio Sanchez

Editór             : Francisco Simões

HAKEREK NO HATÁN

Please enter your comment!
Please enter your name here