Primeiru-Ministru, Taur Matan Ruak, prezide reuniaun Konsellu Ministru, iha Palásiu Governu, kuarta (18/08). Imajen TATOLI/Egas Cristóvão

DILI, 18 agostu 2021 (TATOLI)—Governu liuhosi reuniaun Konsellu Ministru (KM) iha kuarta ne’e, delibera hodi autorizaMinistru Petróleu no Minerál, Víctor da Conceição Soares, hodi hahú buka fatin hodi konsentra servisu área petróleu iha fatin ida de’it.

“Hosi autorizasaun ne’e loke dalan atu MPM bele haree opsaun arrendamentu instalasaun iha li’ur, bele sai hanesan operasaun ka fatin servisu ministériu no ajénsia sira ne’ebé iha setór petróleu,” Ministru Prezidénsia Konsellu Ministru, Fidelis Manuel Leite Magalhães, relata hafoin ramata reuniaun ezekutivu iha Palásiu Governu, kuarta ne’e.

Nune’e, tuir Portavós Governu, MPM iha posibilidade halo arrendamentu ho opsaun kompra atu halo instalasaun ho kondisaun dignu no bele simu servisu relevante sira ne’ebé daudaun ne’e lokaliza iha fatin oioin iha sidade Dili.

Jornalista : Antónia Gusmão

Editora     : Julia Chatarina

HAKEREK NO HATÁN

Please enter your comment!
Please enter your name here