Avizu Govenru nian ba Eskola sira iha Dili laran taka. Imajen/Espesiál

DILI, 18 agostu 2021 (TATOLI)-Governu liuhosi Ministériu Edukasaun, Juventude no Desportu (MEJD) ho Ministériu Saúde, suspende provizóriu ensinu aprendizajen prejensiál ba ensinu báziku no sekundária sira iha Munisípiu Dili tanba ekipa saúde deteta numeru pozitivu COVID-19 sa’e maka’as.

Governu liuhosi Konsellu Ministru hola ona desizaun, hahú loron 17 to’o fali loron 31 agostu, tinan ne’e, suspende provizóriu ensinu aprendizajen prejensiál ba ensinu báziku no sekundáriu sira iha Munisípiu Dili.

Ministru Edukasaun, Juventude no Desportu, Armindo Maia, afirma MEJD ho MS deside suspende atividade aula prejensiál ba eskola públiku no privadu sira iha Dili tanba ekipa saúde deteta iha eskola ida ne’ebé implementa medida prokoloares di’ak tebetebes, maibé detetadu pozitivu COVID-19 besik na’in-50.

“Ami tenke foti desizaun provizoariamente prosesu ensinu parendizajen prejensiál  nune’e mós suspende ejame segundu  periodu tanba COVID-19 iha Dili laran no iha mós ekola lubun ida  ne’ebé iha Dili laran maka’as tebes hafoin  fulan ida liu semana ida ita re-ativa ensinu aprendizajen prejensiál. Ita lakohi estudante-sira da’et malu, da’et hosi família ba eskola no hosi eskola ba família,”   Ministru Armindo Maia hateten ba jornalista-sira iha Palásiu Governu, Dili, kuarta ne’e.

Nia subliña tan, iha eskola ida de’it (la presiza temi eskola nia naran) deteta  besik na’in-50  pozitivu COVID-19. Eskola ida ne’e, tuir Ministru Armindo Maia, impelementa medidas protokolares di’ak tebetebes.

“Eskola ne’e antes estudante sira tama eskola tenke haree sira-nia temparatura, uza maskára, distansia sosiál, maibé  afinal detetadu besik na’in-50. Ne’e eskola ne’ebé regorozu tebetebes. ha’u lahatene eskola sira seluk oinsá. Tanba ne’e maka  MEJD hamutuk ho Ministériu Saúde foti medida  ba ida-ne’e,” Ministru Armindo Maia klarifika tan.

“Maske loron 23 to’o loron 27 agostu, atu halo ezame periodu daruak nian ba ensinu báziku no sekundária sira iha Munisípiu Dili, maibé ita foti desizaun suspende fali tanba ita lakohi estudante sira afetadu ba COVID-19 tanba daudaun ne’e deteta eskola balun iha Dili laran estudante na’in-50 pozitivu ba COVID-19,”

“Iha eskola privadu balun hala’o ona ezame periodu daruak nian ne’ebé sira seidauk rezumu matéria antes ne’e ita-nia profesór sira fó ona ba estudante ne’ebé sira estuda iha uma bainhira reativa fali eskola estudante bele hala’o ezame, no mekanizmu seluk mak ita buka durante semana rua kontinua eskola online,” Armindo Maia esplika tan.

Estudante ne’ebé pozitivu COVID-19, nia dehan, tuir informasaun hosi parte saúde katak daudaun ne’e balun kumpre ona izolamentu no balun kumpre auto-kuarentena.

Jornalista   : Arminda Fonseca

Editór        : Francisco Simões

HAKEREK NO HATÁN

Please enter your comment!
Please enter your name here