Kalendáriu Liga Feto Timor. Imajen/Espesiál

DILI, 16 agostu 2021 (TATOLI) – Kalendáriu Liga Feto Timor (LFT) fiksa ona atu hala’o abertura iha loron 19 agostu ne’e. Iha  abertura ne’ebé hala;o iha Estadiu Munisipál Dili sei aprezenta  klube rua hosi segunda divizaun Maudoko FC kontra VDL.

Notísia Relevante : Maranata preparadu enfrenta liga 2021

“Loos jogu komesa loron 19 agostu ne’e, klube Segunda Divizaun rua; Maudoko FC ho VDL maka sei kontra malu iha abertura jogu ne’e,” Adjuntu Sekretáriu Jerál Federasaun Futeból Timor-Leste (FFTL) Frederico  Martins informa ba Agência Tatoli iha edifísiu FFTL, Dili, segunda ne’e.

Jogu ne’ebé hala’o Primeira Divizaun kompostu hosi klube lima (5) hanesan AD SLB Laulara, Maranatha FC, S’Amuser FC no Academica FC. Enkuantu Segunda Divizaun klube neen (6) kompostu hosi, VDL  FC, UNITAL FC, Nain-Feto FC, São José FC, ASS Baucau no FC Maudoko.

Jogu ba Primeira Divizaun sei hala’o jornada hamutuk 10, hahú 21 agostu- 21 novembru 2021no Segunda Divizaun jornada hamutuk lima (5) hahú hosi 19 agostu-10 outubru 2021.

Prezidente FC Maudoko ,Taquino Soares hateten, sira nia ekipa preparadu atu kompete no simu ona konvite atu partisipa iha jogu abertura ne’e.

Jogadora Maudoko agora daudauk hamutuk na’in 40, maibé iha tempu besik sei halo selesaun nune’e bele hili na’in-25 de’it maka bele partisipa iha liga agora ne’e.

Jornalista       : Hortencio Sanchez

Editór             : Francisco Simões

HAKEREK NO HATÁN

Please enter your comment!
Please enter your name here