Selebrasaun semana mundiál fó susu been inan-nian ba bebé, iha aldeia Ria-Lau, suku Letefoho, postu administrativu Maufahi, munisípiu Manufahi, tersa (03/08/21). Imajen Fundasaun Alola.

MANUFAHI, 03 agostu 2021 (TATOLI)—Diretora Programa Saúde Inan no Oan hosi Fundasaun Alola, Jesuina Maria Boavida Ximenes, hateten susu been inan nian importante tebes ba labarik foin moris to’o tinan rua.

“Susu been inan importante ba labarik foin moris too tinan rua tanba bele hasa’e labarik nia isin no   imunidade ne’ebé diak kontra moras hotu-hotu,” Jesuina Maria Boavida Ximenes, hateten iha selebrasaun semana mundiál fó susubeen inan nian ba bebé, iha aldeia Ria-Lau, suku Letefoho, postu administrativu Maufahi, munisípiu Manufahi, tersa ne’e.

Notísia relevante:Susu Been Kinur Ba Bebe Nu’udar Fundu Importante

Nia hateten, durante inan sira ne’ebé mak la fó susu bebé nia impaktu maka bebé sei hetan moras iha futuru.

Bainhira inan sira fó susu been formula maka sei fó impaktu negativu ba labarik bele kabun moras to’o hetan moras seluk.

Tanba ne’e, importate tebes promove  inan nia susun been ba labarik ne’ebé foin moris to’o fulan neen, kontinua fó susu to’o tinan rua.

Iha fatin hanesan, Xefe aldeia Ria Lau, suku Letefoho, postu administrativu Manufahi, José Ferreira, husu inan hotu-hotu atu partisipa iha atividade ne’e atu oinsá hatene fó susu ba labarik foin moris to’o tinan rua.

Jornalista: Felicidade Ximenes

Editór: Cipriano Colo

HAKEREK NO HATÁN

Please enter your comment!
Please enter your name here