Kondisaun sinál tránzitu iha kapitál munisípiu Bobonaro, tersa (03/08/21). Imajen Tatoli/Sérgio da Cruz.

BOBONARO, 03 jullu 2021 (TATOLI)—Diersaun Nasional Transporte Terrestre (DNTT), munisípiu Bobonaro laiha orsamentu manutensaun ba sinál tránzitu sira iha kapital munisipiu ne’e.

“Iha sinais barak mak la diak ona. Ita mós anota hela, maibé problema mak ita laiha orsamentu atu halo manutensaun. Ita mós laiha transporte operasionál,” Diretór DNTT Bobonaro, José Paulo Heriques Baptista, hateten ba jornalista Agência Tatoli, iha Soso, Maliana, tersa ne’e.

Notísia relevante:Vise-Ministru Interiór husu populasaun Bobonaro asegura fronteira

Diretór ne’e observa katak, sinál tránzitu iha estrada públiku hosi nasionál to’o munisípiu barak mak kondisaun la di’ak ona.

Tana ne’e, utente rodoviáriu barak la kumpre ona regra-hirak ne’ebé Estadu tau hodi asegura ema nia vida.

José Paulo Heriques Baptista  aprezenta ona problema ne’e ba nasional desde 2020, maibé to’o 2021 Governu  seidauk tau hanesan planu prioridade atu rezolve.

Tanba ne’e nia husu Governu atu aselera lalais, tanba sinál tránzitu ninia funsaun atu asegura ema hotu-hotu nia vida.

Nia konsidera problema hirak-ne’e posibilidade bele akontese asidente tráfegu ba transporte públiku no privada, kauza hosi Human error no menus disiplina regra estrada.

DNTT munisípiu Bobonaro mós planeia, sei instala sinál tránzitu hamutuk 225 ho tipu sinál mak hanesan, sinál bandu, obrigatóriu, informasaun, atensaun no sinál obrigasaun. Hosi númeru ne’e, balun substitui no balun sei instala foun, no depende ba orsamentu Governu.

Jornalista: Sérgio da Cruz

Editór : Cipriano Colo

HAKEREK NO HATÁN

Please enter your comment!
Please enter your name here