Logotipu FAO

COVALIMA, 28 jullu 2021 (TATOLI) – Food and Agriculture Organization (FAO), kuarta (28/07),  fó treinamentu kona-ba konservasaun agrikultura ba estensionista hosi suku sira hosi Covalima, Dili, Bobonaro no Liquiça.

Advisor FAO, Delfim da Costa, informa formasaun ne’ebé hala’o durante loron tolu iha Covalima hodi fahe matéria hitu hanesan, sei haree kona-ba aspetu agrikultura tradisionál, konservasaun agrikultura, jestaun risku dezastre ne’ebé benefísiu hosi konservasaun agrikultura, eskola kampu, oinsá konservasaun agrikultura bele funsiona, konservasaun agrikultura ne’ebé ho nia modelu adapta iha Timor Leste no integrasaun konservasaun agrikultura sensivel ba klima.

Hafoin simu matéria estensionista sira ne’ebé tuir formasaun ne’e sei halo prátika kona-ba  oinsá operasionaliza tratór , halo rolling, kultiva lehe iha batar nian leet no seluk tan hafoin ne’e sira sei habelar tan informasaun ne’e ba agrikultura sira.

Agrikultór hosi  munisípiu ualu (8) mak uza ona lehe hanesan, iha Munisípiu Lautem, Baucau, Viqueque, Covalima,  Manatutu, Manufahi  ho Ermera.

Iha fatin hanesan Detetór Jerál Kooperasaun no Dezenvolvimentu Institusionál,  César José da Cruz hateten,  treinamentu ne’e atu halo aproximasaun  hodi  uza teknolojia  ne’ebé la bele fila rai no la bele sunu.

“Ita kuda de’it lehe, lehe sai orgániku, bolu sai  adubu orgániku. Maneira ida-ne’e, ita bele redús kustu servisu no sei hetan rai ne’ebé bokur di’ak liu,” César José da Cruz hateten.

Jornalista       : Celestina Teles

Editór             : Francisco Simões

HAKEREK NO HATÁN

Please enter your comment!
Please enter your name here