Sekretária Rejionál Asuntu Finansas, Maria Eliza Maniquin. Imajen Tatoli/Abilio Elo Nini.

OÉ-CUSSE, 28 Jullu 2021 (TATOLI)–Autoridade RAEOA (Rejiaun Administrativa Espesiál Oé-Cusse Ambeno) aloka millaun $1-resin ($1.048.66.41) hosi Orsamentu Jerál Estadu (OJE) 2021 hodi halo konstrusaun ba eskola foun hamutuk 11, edifisiu eskola rua (2) no reabilitasaun ida (1).

Notísia Relevante: Autoridade RAEOA aloka millaun $1,5 hadi’a Eskola Bázika Filiál neen

“Projetu sira-ne’e lansa tiha ona iha públiku ba manutensaun no konstrusaun foun ba eskola sira iha tinan 2021 hamutuk 15. Ho nune’e, autoridade aloka orsamentu montante millaun $1-resin (1.048.66.41) ba prosesu ajudikasaun nia rezultadu ami taka tiha ona iha kuadru avizu aprovizionamentu nian,” Sekretária Rejionál Asuntu Finansas, Maria Eliza Maniquin, informa ba Agência Tatoli iha nia servisu fatin, Oébau, Pante Makasar, Oé-Cusse, kuarta ne’e

Métodu solisitasaun konkursu ne’e loke ba públiku iha loron 15 juñu no loron ikus hatama dokumentu iha loron 30 juñu 2021 no dokumentu solisitasaun ne’ebé simu hamutuk empreza 43 no ikus mai empreza 14 mak liu iha konkursu ne’e. Nune’e bazeia ba dekretu lei nu.10/2005, artigu 89.2, Rejime Juridiku Aprovizionamentu (RJA) nian.

Tanba ne’e, iha loron tersa 27 jullu, Unidade Aprovizionamentu no lojístika anunsiu rezultadu konkursu no intensaun ajudikasaun ba empreza ne’ebé konkore iha konkursu públiku ho Núu. Ref RAEOA-ZEESM TL SRF/UAL/2021-2026.

Intensaun ajudikasaun ba konkorente sira bazea ba avaliasaun hosi juri ka painél avaliasaun ne’ebé hala’o avaliasaun tékniku no finanseira tuir matrix avaliasaun iha dokumentu konkursu bazea ba abilitasaun profisionál, kapasidade, tékniku no espesriensia nomós ba kapasidade finanseira

Tanba ne’e empreza sira ne’e sai manan-na’in iha konkursu ne’e ba projetu konstrusaun foun hamutuk 11, reabilitasaun eskola ida (1) no konstrusaun edifisu eskola rua (2), hamutuk empreza 14.

Eskola Sekundáriu Jerál Baqui, iha Suku Naimeco, Sub-Rejiaun Pante Makasar, konstrui hosi empreza Matlalan Unipesoál.Lda, ho valór kontratu $69,778.84.

Eskola Báziku Filiál (EBF) Buqui, iha suku Usitasae sub-rejiaun Oésilo, konstrui hosi empreza Molo Unipesoál.Lda, ho valór kontratu $86,733.47.

Kantina Eskola Báziku Filiál (EBF) Noapai iha Suku Cunha, Sub-Rejiaun Pante Makasar, konstrui hosi empreza Neldy Unipesoál.Lda, ho valór kontratu $46,567.80.

Eskola EPE Noapai iha Suku Cunha, Sub-Rejiaun Pante Makasar, konstrui hosi empreza Suni-Oni Unipesoál.Lda, ho valór kontratu $73,373.86.

Eskola EPE Atoni Oé-Cusse iha Suku Cunha, Sub-Rejiaun Pante Makasar, konstrui hosi empreza Elbenitu Unipesoál. Lda, ho valór kontratu $73,332.45.

Eskola Bázika Sentrál (EBC, sigla portugés) Sta. Reliqui Citrana iha Suku Bene-Ufe, Sub-Rejiaun Nitibe, kontrui hosi empreza Bitimo Unipesoál.Lda, ho valór kontratu $62,959.48.

Eskola Báziku Filiál (EBF) Oénunu iha Suku Suni-Ufe, Sub-Rejiaun Nitibe, konstrui hosi empreza Rainha-Mena Unipesoál.Lda, ho valór kontratu $85,557.65.

Eskola Bázika Sentrál (EBC, sigla portugés) Banaefmanat iha suku Ban-Afi sub-rejiaun Nitibe,  konstrui hosi empreza Neon-Bahan unipesoál.Lda. ho valór kontratu $63,842.03.

Eskola Bázika Sentrál (EBC, sigla portugés) Tasaebeno iha suku Usitasae sub-rejiaun Oésilo, konstrui hosi empreza Sunilake-Sombai Unipesoál.Lda, ho valór kontratu $60,497.26.

Eskoka Tékniku Vokasionál (ETV) São João Paulo II iha Suku Abani, Sub-Rejiaun Pasabe, konstrui hosi empreza Neon-Mantaen Unipesoál.Lda, ho valór kontratu $104,817.69.

Eskola Ensinu Báziku Filiál (EBF) Palsam iha suku Malelat, Sub-Rejiaun Pasabe, konstrui hosi empreza Lorotias Unipesoál.Lda, ho valór kontratuu $117,672.08.

Edifisiu Eskola Bázika Filiál (EBF) Noapai iha Suku Cunha, Sub-Rejiaun Pante Makasar, konstrui hosi empreza Nunmabun Unipesoál.Lda, ho valór kontratu $133,842.41.

Edifisiu Eskola Tékniku Vokasionál (ETV) Palaban iha Suku Costa, Sub-Rejiaun Pante Makasar, konstrui hosi empreza Sufnen-Timo Unipesoál.Lda, ho valór kontratu $56,900.82.

Rehabilitasaun edifísiu eskola ETV Palaban iha Suku Costa, Sub-Rejiaun Pante Makasar,  konstrui hosi empreza Batu-Star Unipesoál.Lda, ho valór kontratu $12,788.57.

Jornalista : Abílio Elo Nini

Editór       : Cancio Ximenes