Logotipu CDTL

DILI, 27 jullu 2021 (TATOLI) – Diretora Nasionál Desportu Alta Kompetisaun, Sekretáriu Estadu Juventude no Desportu (SEJD), Maria Luisa Monteiro, hateten SEJD bolu ona Konfederasaun Desportu Timor-Leste (CDTL-sigla portugés) hodi koordena servisu no planu ba 2022.

“Ami koordena servisu no haree ba planu 2022 nian, saida mak CDTL sira sei halo, hanesan prepara atleta iha federasaun hotu, karik pandemia laiha bele kria kampionatu nasionál no partisipasaun ita nian iha jogu sira iha rai-li’ur,” Maria Luisa Monteiro informa ba Agência Tatoli iha edifisiu SEJD, Dili, tersa ne’e.

Nia dehan, planu espesífiku ne’ebé SEJD sei apoiu ba CDTL mak servisu operasionál no servisu saida de’it mak CDTL sei halo iha 2022.

Prezidente CDTL, Afránio Xavier Amaral, hateten planu ne’ebé CDTL halo hodi diskute ho SEJD mak servisu sira durante ne’e  no servisu operasionál.

Servisu CDTL nian iha 2021

Servisu ne’ebé mak CDTL halo iha 2021 mak halo preparasaun atleta sira ba partisipa iha jogu Tokyo  Olympic Games 2020 no servisu operasionál sira ne’ebé durante ne’e CDTL hala’o hela liu-liu iha funsionamentu administrasaun.

2021 SEJD aloka orsamentu ba CDTL hamutuk $154, 233.00. CDTL hanesan órgaun ida hodi halibur federasaun desportu hotu iha Timor-Leste hanesan, Atletizmu, Natasaun, Karate-do, Taekwondo no seluk tan.

Jornalista       : Hortencio Sanchez

Editór              : Francisco Simões

 

HAKEREK NO HATÁN

Please enter your comment!
Please enter your name here